Breaking News :
  • NO BREAKING NEWS
MANOLO SOLEANA A KUMPLI 30 AÑA DI SERVISIO NA GOBIÈRNU
2016-10-18 08:27:11 -
Boneiru
0
353

Djabièrnè 7 di òktober 2016 señor Manolo Soleana , a kumpli 30 aña den servisio di gobièrnu di Boneiru.
Manolo a drenta Gobièrnu na aña 1986 den e servisio di “Dienst Openbare Werken” na e sekshon di “Bouw en Woning Toezicht” komo “Aspirant Technisch Opzichter”. Durante añanan di bon prestashon Manolo a kambia vários funshon. Na 1997 DOW a kambia di nòmber i a bira Dienst Ruimtelijk Ontwikkeling en Beheer, Manolo a pasa pa e funshon di Inspektor Planologia i Konstrukshon.
Manolo a eksperenshá hopi kambionan durante su trayektoria di 30 aña. Despues di 10 10 10 kaminda e aparato Gubernamental a pasa den un periodo di kambio Manolo a bin ka’i bou di Direktorado Supervishon i Mantenshon di Lei komo Inspektor C.
Manolo ta un di e trahadónan ku a laborá pa e mesun doño di trabou durante 30 aña.
Manolo ta un di e empleadonan ku siendo na soño bo puntr’é algu riba e tereno di su trabou e ta kontestá bo. Ta un persona ku un memoria ku ta kòrda hopi kos aunke hopi aña por a pasa. E ta un empleado ku ta tuma su trabou na serio.
Gezaghebber Edison Rijna a felisitá Manolo pa su 30 aña di servisio. Manolo Soleana ta un empleado ehemplar, Manolo tambe ta kumpli debidamente ku su trabou.
Na final a gradisí Manolo pa tur e añanan di servisio ku ela desplegá i manera kustumber a hasi entrega di e “oorkonde” i e ènvelòp di kustumber.

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.