Breaking News :
  • NO BREAKING NEWS
Restourashon Ekológiko di e Bahia di Lac i su Mondinan di Palu di Mangel
2016-10-21 08:10:18 -
Boneiru
0
247

Sèptèmber a habri un fase nobo den e embolbimentu di Sea Turtle Conservation Bonaire den in Restourashon Ekológiko di Lac i e Parti Sùit di Boneiru. Huntu ku Entidat Públiko Boneiru i WILDCONSCIENCE BV, STCB a kontinuá su esfuersonan pa protehá bida den naturalesa dor di organisá un limpiesa grandi di e área i dor di pone barera natural na rant di e sitionan di stashoná outo na Sorobon i tambe dor di pone bòrchi ku teksto informativo.
Mondi di Palu di Mangel ta un di ekosistemanan tropikal na mundu ku ta mas tantu menasá den nan eksistensia. Na Boneiru, aktividat ku ta kousa daño, entre otro, ta e uso di vehíkulo pegá ku e palunan di mangel ku por kousa akshon pa komprimí e suela, destrukshon di mata chikitu dor di trapa nan i bentamentu ilegal di shushi loke ta kousa polushon. Ku ponementu di baranka i palu na kantu di e lugánan di stashoná outo, e partidonan embolbí ta trata na limitá akseso di outo, di manera ku ta minimalisá daño potensial kousá pa vehíkulo. E bòrchinan nobo di betòn, ku ta poné tambe na Playa TeAmo i na Sùit di Boneiru, alabes lo krea mas konsientisashon di tantu hende lokal komo turista ku ta bishitá e palunan di mangel di e Bahia di Lac.
Gerente di STCB Mabel Nava: ‘Mondi di palu di mangel ta sostené un rikesa di bida; nan ta kai den e ekosistemanan mas produktivo i biológikamente mas kompliká na Mundu. Na Boneiru, e palunan di mangel ta forma un hogar pa un variedat grandi di bestia di laman ku ta dependé di e salubridat di e ekosistema akí. Boneiru su turtuganan, por ehèmpel, ta kome di e spònsnan i yerba di laman ku por haña den e área akí. Pa e motibu akí ta di gran importansia pa mantené nos palunan di mangel limpi i sin aktividat ku ta kousa disturbio di nan funshon.’
E aktividatnan na Sorobon, ku ta similar na trabounan ehekutá na Playa TeAmo, ta forma parti di un proyekto di restourashon ekológiko mas amplio. E proyekto akí, den kua organisashonnan i empresanan lokal ta enfoká riba konservashon di naturalesa, ta bou di kordinashon di Entidat Públiko Boneiru i tin komo fondo e asina yamá 'fondonan di naturalesa' ku e Gobièrnu di Reino a pone disponibel.

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.