Breaking News :
  • NO BREAKING NEWS
MUSEONAN A FIRMA AKUERDO DI KOPERASHON
2016-10-21 09:23:04 -
Boneiru
0
299


Tres museo di Boneiru a firma djaweps un akuerdo, un asina yamá ‘Memorandum of Understanding’ (MOU). Ta trata di Fundashon Mangasina di Rei (MDR), Stichting Terramar (TM)i Bonaire Bonaire Salt Park (BSP). Idea tras di e akuerdo di koperashon aki ta pa e tres institutonan aki traha huntu, manera tambe entamá proyektonan ku ta benefisiá nan tur tres i di mes Boneiru.
Terramar ta un museo ku a habri anteriormente e aña aki den sentro di Playa. Pa medio di un bunita ekshibishon nan ta repasá e historia riku di Karibe, ku atenshon spesial naturalmente riba Boneiru. Parke Kultural Mangasina di Rei tambe ta ekshibí e historia i kultura boneriano, awor tambe ku un ekshibishon permanente riba sklabitut.
Bonaire Salt Park di nan tres ta esun ménos konosí. Pronto e instituto aki ke habri un parke na parti sùit di Boneiru, kaminda bishitantenan por mira i partisipá aktivamente den e proseso di produkshon di salu.
Naturalmente tin diferente museo mas na Boneiru, pero e tresnan aki tin e focus di mas kla den término di e tema i mensahe di ekshibishon. Ademas e ekshibishonnan di e tres museonan aki ta komplementario, suministrando e bishitante un bista general di temanan kultural i históriko di Boneiru.
E metanan di e akuerdo entre MDR, TM i BSP ta manera ta sigui:
- Pa koperá den promové kultura, historia i arkeologia di Boneiru;
- Pa koperá den promové i organisá aktividat i eventonan kultural, históriko i arkeológiko na Boneiru;
- Pa koperá den sigurá fondonan pa logra kumpli ku e aktividatnan aki.
Pa Terramar a firma Huub Groot, pa Bonaire Salt Park Sjoerd van der Brug i pa Fundashon Mangasina di Rei Bòi Antoin. Tabata presente tambe e mènedjer di Mangasina di Rei Danilo Christiaan i Ruud Stelten, direktor di Terramar.

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.