Breaking News :
  • NO BREAKING NEWS
CUBA TA DEDIKÁ HOPI ATENSHON NA KULTURA
2016-10-27 08:33:02 -
Boneiru
0
331

Cuba ta duna hopi atenshon na kultura di e pais. Un delegashon ofisial di Boneiru, enkabesá pa diputado di kultura, Nina den Heyer, a eksperensiá esaki personalmente siman pasá durante un bishita na e siudat Santiago. ‘Casa del Caribe’, ku ta organisá ‘Festival del Caribe’, a laga e delegashon boneriano asistí na vários aktividat i presentashon kultural, den kuadro di preparashonnan pa e festival aki.

Aparte di Diputado Nina den Heyer, e delegashon boneriano a konsistí di hefe di SKAL Timoteo Silberie, hefe di e departamentu di komunikashon di gobièrnu Maideline Martijn, Monique Geerman di e ofisina di e diputado, direktor artístiko Angelo Domacassé, Bòi Antoin di FuHiKuBo, Anneline Beukenboom, e último aki enkargá ku e parti logístiko di biahe i hospedahe otro aña pa Santiago di Cuba.
Tabata un siman hopi intensivo ku diferente reunion ku entre otro representantenan di ‘Casa del Caribe’, organisadó di ‘Festival del Caribe’. Ku otro instansianan tambe tabatin kombersashon, manera ku ICAP – Instituto Cubano de Amistad con los Pueblos - .
Durante e siman a duna oportunidat na e delegashon boneriano pa sinti e sabor di kultura santiaguero pa medio di vários presentashon kultural di gruponan musikal i di baile. E delegashon boneriano por a ripará kuantu atenshon i interes gobièrnu di Cuba tin pa kultura. For di mucha kaba ta hinka amor pa kultura den e hende.
‘Festival del Caribe’ ta konsentrá kompletamente riba e herensia afrokaribense di Santiago. Ta e herensia afrokaribense aki ta dominante den e kultura aktual di Santiago i Cuba en general. No tin duda ku e delegashon boneriano ku a bishitá Cuba a siña hopi. Nan a kapta kosnan ku por apliká na Boneiru.

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.