Breaking News :
  • NO BREAKING NEWS
Prokuradó-general di Reino a topa na Boneiru
2016-11-02 09:10:04 -
Korte
0
1440

Representante di reino, sr. Gilbert Isabella i Gezaghebber Edison Rijna huntu ku Guus Schram Prokuradó-general di islanan BES i Sint Maarten
Prokuradó-general di Kòrsou, Sint Maarten i islanan BES, Guus Schram, tabata djamars 1 di november2016 huéspet di e reunion bi-anual di PG-nan di Reino. E biaha aki e reunion a tuma lugá na Boneiru. Dos biaha pa aña PG-nan di Kòrsou, Sint Maarten, islanan BES, PG di Aruba i un miembro di kolegio Ulandes di Procureurs-generaal ta topa otro. Ta tratá entre otro e preparashon pa e “Justitieel Vierpartijen Overleg” (e biaha aki 10 di yanüari na Aruba). Ta trata hopi biaha sinkronisashon di puntonan riba tereno hudisial i koperashon entre pais. E interkambio di PG-nan tin komo meta pa laga Ministerio Públikonan di e diferente paisnan benefisiá mas tantu ku ta posibel di e hecho ku nan ta traha denter di e mesun Reino Ulandes. E biaha aki Theo Bot, miembro di Raad voor de Rechtshandhaving tabata invitá pa papia ku tokante estado di aplikashon di lei i e manera ku por saka mas tantu rendimentu for di e investigashonnan i rapòrtnan ku Raad voor de Rechtshandhaving ta emití. Banda di esei e PG-nan a interkambiá di idea I a traha sita konkreto kon por mehorá i intensive koperashon entre Landsrecherche di Kòrsou, Sint Maarten i Aruba ku Rijksrecherche di Ulanda Esaki tabata follow-up di un punto ku a keda trata anteriormente durante e reunion di mas resien di PG-nan, na unda a papia ku hefe nan di Landsrecherche di e paisnan i direktor di Rijksrecherche. Na final di e enkuentro na Boneiru a hiba bishita di kortesia serka representante di reino, sr. Gilbert Isabella i Gezaghebber Edison Rijna. Tambe a topa ku hefe di kuerpo di polis KPCN, na unda a trata entre otro e típiko ta kon e kuerpo di polis ta anda i atendé awor despues di morto violento di polis Ferry Bakx. A tende kon polis I kon e kuerpo ta atendé ku esaki.

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.