Breaking News :
  • NO BREAKING NEWS
Kliente nan di MCB por pasa pa aktualisá nan dokumento nan
2016-11-02 09:25:38 -
Boneiru
0
383

En konekshon ku e proyekto di aktualisashon kliente nan di Maduro & Curiel’s Bank (Bonaire) N.V. ta risibiendo karta ku e petishon pa aktualisá nan dokumento nan. Esaki por enserá por ehèmpel entrega di kopia di un pasport òf sédula válido òf otro dokumento nan rekerí òf kompletashon di formulario(nan) nesesario. E karta nan ta saliendo gradualmente pero for di awor tur pèrsona ku tin kuenta pèrsonal na MCB por pasa pa aktualisá nan dokumento nan sin mester warda riba nan karta.

Pa fasilitá nos klientenan durante e último 2 siman nan MCB a bishita diferente bario kaminda kliente nan por a entregá nan dokumentashon. MCB a risibí hopi akohida den bario kaminda diferente kliente a hasi uzo di e oportunidat aki, durante kual nan a wòrdu yudá di un forma rápido i tambe tabata tin chèns di gana un ticket pa Aruba i un wikènt “stay” na Hillside Apartments.

E wikènt aki, djasabra 5 di novèmber MCB i su team lo ta na ofisina prinsipal na Hato for di 9or di mainta pa 12or di mèrdia i na sentro di Bario Rincon for di 1or di mèrdia pa 4or di atardi. Representante nan di Banko lo tei pa yuda tur pèrsona ku akudí pa entregá dokumento òf kompletá formulario. Tambe lo bai tin chèns di gana un sena pa 2 na un restorant renombrá.

MCB ta urgi tur kliente ku tin un kuenta pèrsonal pa pasa libremente huntu ku nan pasport òf sédula válido i tambe ku nan number(nan) di kuenta òf último statement di Banko. MCB ta avisá pa hasi uzo di e oportunidat nan aki for di awor maske ku porta e kliente no a risibí su karta ainda.

Pa kualke pregunta òf informashon i pa keda altanto di tur detaye di e kampaña entregá, aktualisá i gana por yama nos libremente na 715-5520. Por sigui nos tambe via nos página di facebook: MCB Bonaire Events.

Maduro & Curiel’s Bank (Bonaire) N.V. di antemano ta gradisí tur kliente pa nan boluntat i koperashon pa entregá i kompletá nan dokumento nan.

Maduro & Curiel’s Bank (Bonaire) N.V, Bo Banko Amigu ta konta ku Bo sostén!

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.