Breaking News :
  • NO BREAKING NEWS
MIEBRO NOBO DEN DIREKTIVA DI PCN
2016-11-22 08:39:59 -
Boneiru
0
292

Fondo di penshun PCN e siman ku a pasa a nombra Roy Hooker komo miembro nobo den e direktiva di PCN. Hooker ta bai remplasá e miembro saliente den direktiva di PCN, Will Johnson di Saba. Johson a sinta un total di seis aña den direktiva di PCN. Johnson lo mester a baha kaba despues di a kompletá 4 aña komo miembro di direktiva di PCN. Sin embargo, pa motibu ku a tuma bastante largu promé ku e islanan huntu ku Hulanda a presentá un kandidato nobo pa e puesto den direktiva, PCN a pidi Will Johnson pa keda fungi komo miembro te dia ku a nombra un miembro nobo den e direktiva di e fondo di penshun. E miembro nobo, Roy Hooker, tin a karera largu komo akountent pero tambe komo diputado di e teritorio insular di Sint Eustatius, promé ku 10/10/10. Promé ku su instalashon den direktiva di PCN, Hooker a sigui diferente kurso riba tereno di penshun i tambe a fungi den direktiva komo miembro aspirante, promé ku su instalashon ofisial siman pasá. Tambe Hooker mester a pasa un “screening” basta pisá di parti di banko sentral di Hulanda, manera a bira un eksigensia pa tur dirigente di institutonan finansiero den e konstalashon di e islanan BES. Aparte di Hooker, e direktiva ta konsistí di presidente Harald Linkels, visepresidente Valdemar Marcha i Gerard Bergsma. Den e mesun reunión kaminda a instalá Hooker, a nombra Harald Linkels pa otro término di 4 aña komo presidente di PCN. Direktiva di PCN ta pone hopi balor na kontinuidat den e fondo, espesialmente tumando na kuenta e retonan ku e fondo di penshun ta haña su mes konfrontá kuné i ku por asta bai kulminá den un kòrtamentu den benefisionan den e fondo den aprel 2017. E direktiva di PCN a mustra su mes masha agradesido na Will Johnson pa su tempu i dedikashon ora ta trata di su trabounan pa PCN. Tambe direktiva ta manta felisitashon pa Roy Hooker i Harald Linkels pa nan nombramentu komo miembro di direktiva di PCN.

Riba e potrèt: miembro di direktiva saliente Will Johnson (na man robes) i e miembro nobo di direktiva, Roy Hooker. 

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.