Breaking News :
  • NO BREAKING NEWS
Tiramentu misterioso ku un herido serio den área di Marchena
2016-11-30 06:34:37 -
Polisial
0
547

WILLEMSTAD – Un kaso di tiramentu misterioso ku tabatin ayera nochi a produsí un persona gravemente heridá. Polis ta buska testigunan ku por duna mas informashon riba e kaso aki. Tabata den kareda di 22.20or ku Sentral di Polis a risibí yamada di un kaso di tiramentu ku a kaba di tuma lugá den área di Marchena i tin un hòmber heridá. Na yegada di polis nan a enkontrá ku un hòmber víktima di 24 aña edat, ku herida di bala na altura di su barika. Te na e momentonan aki no sa e kousa di e tiramentu. Ambulans a transportá e víktima pa Poliklínika di SEHOS pa tratamentu médiko, miéntras ta buskando e sospechoso. Investigashon den e kaso aki ta kontinuá. Polis ta pidi kualkier persona ku por tin informashon tokante di e kaso aki pa pasa e informashon aki pa polis na e numbernan 917 i 108. Den sírkulonan ekstra-ofisial a bin e vershon dilanti ku ta dos persona a tira riba e hòmber. Despues nan a kore bai for di e sitio. Polis no ta duna informashon riba kondishon di e víktima, pero aparentemente e tabata krítiko den promé instansha. Awor aki su situashon ta serio, pero stabil.
 

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.