Breaking News :
  • NO BREAKING NEWS
Hòmber detené den operashon na Sint Maarten tin laso ku polítika
2016-12-01 06:52:39 -
Polisial
0
518

WILLEMSTAD – E hòmber detené na Sint Maarten e siman aki tin lasonan ku polítika riba e isla. Asina un bosero di Ministerio Públiko a bisa ayera mainta relashoná ku e investigashon “Emerald” relashoná ku froude ku impuesto, falsifikashon di dokumento i labamentu di plaka. E hòmber O’Neil Arrindell, doño di un empresa di seguridat ta na Kòrsou pa su mes seguridat. E motibu ta ademas ku su kompania di seguridat mes tin supervishon di prizòn Point Blanche. Wes-komisario a huzga ku e detenshon tabata korekto i a prolongá su detenshon ayera.
E akshonnan na Sint Maarten den kuadro di e investigashon Emerald ku a inisiá djaluna 28 novèmber 2016, a sigui ayera. E tim pa kombatí kriminalidat ku ta mina (TBO) di “Recherche Samenwerkingsteam” (RST) den koperashon ku Landsrecherche St. Maarten i bou di guia di un wes komisario a kontinuá ku mas entrada hudisial. Banda di e entradanan hudisial a konfiská tambe te ainda sinku outo. Danki na koperashon estrecho ku outoridatnan di parti Franses di St. Maarten a konfiská alabes un yate.
E sospechoso O.A. (35) prosedente di St. Maarten a keda arestá djaluna mainta i entretantu ta enkarselá. E ta sospechá di froude ku impuesto, falsifikashon di dokumento, labamentu di plaka i poseshon ilegal di un arma di kandela. Wes komisario a husga ku tur aspekto entorno e aresto i enkarselashon di e sospechoso a bai konforme lei. E investigashon ta sigui i ta parti di e operashonnan grandi pa kombatí korupshon den Caribe ulandes.
 

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.