Breaking News :
  • NO BREAKING NEWS
Minister Bussemaker ta habri skol amplio Papa Cornes
2016-12-02 07:28:35 -
Boneiru
0
348

Djaweps último, komo parti di su bishita di trabou na Hulanda Karibense Minister Jet Bussemaker di OCW a habri “Skol amplio Papa Cornes” den e bario di Nort i’Saliña na Boneiru. E kompleho di skol nobo a keda konstruí segun e prinsipionan di un skol amplio.

Konforme konsepto di skol amplio, Papa Cornes ta forma parti integral di e bario rondó di e skol aki. E skol i vários instansia sosial manera krèsh, organisashonnan di deporte i sentronan di bario ta bai traha huntu i ta bai kompartí fasilidatnan. Esaki tur pa oumentá e abitabilidat di e bario. Durante di su diskurso e minister a para ketu na e echo ku e skol a alkansá e kalidat básiko aña pasá: “Mi ta konvensí ku a kumpli ku e kondishonnan pa dal mas paso pa mehorashon di enseñansa.’

Pa diseño di e kompleho di e skol, Entidat Públiko di Boneiru a organisá un kompetensia di diseño na 2011. Huradonan eksperto huntu ku un selekshon di personanan ku lo bai usa e kompleho den futuro a saka e diseño ganadó. E kompleho di skol tin e forma di un karkó Boneriano. E edifisionan ta forma huntu e 5 puntanan di e karkó. E skol básiko Papa Cornes ta situá den e edifisionan di tres piso i den e dos otro edifisionan tin e fundashon Professionele Kinderopvang Bonaire.

E alanan di e edifisionan tin kada un kolonan típiko karibeño. Nan ta uní pa un galeria. E edifisionan tin daknan tropikal isolá i fachada, èrko i meternan di CO2 pa distribushon di oksígeno fresku. E lokalnan ta fresku i tin ventilashon, pa asina alumnonan por konsentrá mas mihó. Mas aleu tin un sistema pa hasi uso di áwaseru pa wcnan i tin kosnan pa tapa solo na e sitionan kaminda tin hopi solo.

E kompleho nobo a keda realisá pa kontratistanan lokal. E maneho di e proyekto tabata den man di Rijksvastgoedbedrijf i a keda finansiá pa ministerio di OCW, SZW i entidat públiko Boneiru. Realisashon di e kompleho di skol aki ta parti di e plan di akohida pa enseñansa. Entidatnan públiko huntu ku e ministerio di OCW a kompilá e plannan aki. Nan ta kontené e ‘blue print’ pa mehorashon di akohida den enseñansa na Hulanda Karibense entre 2012 pa 2020. Esaki for di e punto di bista ku un esfera di skol plasentero ta kontribuí positivamente na prestashon di e alumnonan. 

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.