Breaking News :
  • NO BREAKING NEWS
UN PASKU BÈRDÈ PA TUR HENDE
2016-12-21 07:36:16 -
Boneiru
0
364

UN PASKU BÈRDÈ PA TUR HENDE

Awor ku aña ta kabando i dianan di fiesta ta dilant’i porta, ta bunita pa duna algu bèk di tur e kosnan bon ku bida ta ofresé. Esei ta netamente loke Digicel i STINAPA Junior Rangers a hasi siman pasá. Ambos grupo a tuma tempu pa yuda Echo ku rekuperashon di e mondi seku úniko di Boneiru.

Djaweps 15 di desèmber e tim di Digicel a selebrá Dia di Reino konsentrando riba kolaborashon i ‘teambuilding’. Nan a kuminsá nan dia ku un paseo pa e di dos proyekto di reforestashon di Echo den Parke Nashonal Washington Slagbaai. Durante un ora di trabou boluntario nan a planta 115 palu!

Djasabra 17 di desèmber 22 Junior Ranger i boluntarionan di STINAPA i 17 otro boluntario for di nos komunidat a planta ainda 500 palu mas di 25 diferente sorto! Di e manera ei a planta mitar di e kantidat total di palu pa e reforestashon den Slagbaai. Den yanüari, durante e último evento di planta palu di e temprada di awaseru aki, Echo ke planta ainda 400 palu mas den Slagbaai.

E aktividatnan aki ta parti di e proyekto di reforestashon kaminda Echo, riba enkargo di Entidat Públiko Boneiru, lo planta 20.000 palu na diferente sitio riba nos isla. E asina yamá Fondo di Naturalesa di Reino ta finansiá e proyekto ku STINAPA ta sostené. Mas palu i un diversidat mas grandi di palu ta mihó pa nos bestianan, nos suela, nos klima i nos hendenan, naturalmente!

Organisashonnan òf empresanan ku ke yuda pa hasi Boneiru mas bèrdè por tuma kontakto ku Quirijn Coolen (quirijn@echobonaire.org òf 785-4128) òf Edshel Martha (edshelmartha@hotmail.com òf 796 -2534).

Pa mas informashon: www.facebook.com/Nos-ta-biba-di-naturalesa-www.facebook.com/echobonaire.org

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.