Breaking News :
  • NO BREAKING NEWS
Outoridatnan aleman a konfirmá ku e atake na Berlin tabata terorismo.
2016-12-21 07:52:41 -
Aruba
0
334

BERLIN.-- E fiskal general di Alemania, Peter Frank a afirmá den reda di prensa ku e atake ku un trùk kontra un marshe di Pasku den e siudat di Berlin tabata un akto terorista manera esun di Niza, Fransia.
Frank a presisá ku ta ainda nan no sa si e echo a ser ehekutá pa unu òf vários atakante pasobra e investigashon no a terminá ainda. El a detayá ku e kantidat di víktimanan mortal a subi na 15 morto te ku awor aki.
Igualmente el a reiterá ku ten a e momentunan aki ningun organisashon terorista a tuma responsabilidat pa e atentado.
Frank tambe a señalá ku mester asumí e idea ku e detenido di ayera, un pididó di asilo pakistani kisas lo no ta e shofùr di e trùk ku a trapa bishitante di un marshe sentral di Pasku ni tampoko ku e ta pertenesé na e grupo di outornan.
Poko despues di e atake a detené e hóben Pakistani na dos kilometer for di e marshe riba un yamada di un siudadano ku a mira un hende sospechoso hui for di e zona ei I pa e motibu ei el a atvertí polis.
Segun prensa aleman, e detenido tin 23 aña, tabata konosí pa e forsanan di seguridat pa un seri di delitonan chikitu, a yega Alemania dia 31 di desèmber 2015 I pidi asilo.
For di e promé momentu e hòmber a ninga di tin algun relashon ku e atake riba e marshe.
E Ofisina Federal di Investigashon Kriminal (BKA) di Alemania a ekspresá di ta masha alarmá en bista di e posibilidat ku e outor òf outornan di e atentado na Berlin ainda ta den libertat i posiblemente armá.
E presidènt di BKA, Holger Munch a referí na e dudanan ku ainda ta persistí riba si e detenido ta outor òf un di e outornan di e atentado ku djaluna pasá a kousa morto di 12 persona, I ousensia di e pistol ku a usa pa mata shofùr di e trùk, un siudadano polako ku e outor òf outornan a sekuestrá pa hòrta su vehíkulo.
“Nos no sa si ta trata di un solo atakante, di manera ku nos ta altamente alarmá”, Munch a afirmá I kende a sigurá ku e forsanan di seguridat ta trata ku e mayor diligensia pa identifiká e sospechosonan di e atake kontra e marshe di Pasku na Berlin.
 

TAGS :
Comments
Change  
Total 0 comments.
Other Aruba News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.