Breaking News :
  • NO BREAKING NEWS
Segun investigashon e piloto i e aeroliña ta responsabel di e desgrasia
2016-12-22 07:29:51 -
International
0
404

LA PAZ.—E aksidente di e avion ku a kai na Colombia i kosta bida di 71 persona tabata responsabilidat di e aeroliña LaMia i e piloto di e aparato, segun resultadonan di un investigashon di gobièrnu boliviano.
Minister di Obranan Públiko i Transpòrt di Bolivia, Milton Claros a publiká konklushon di e investigashon riba e tragedia ku a sosodé dia 28 di novèmber i kende a informá ku gobièrnu boliviano lo garantisá e pago di 153.000 dòler pa daño i perhuisio na famia di kada persona ku a fayesé.
“Nos investigashon a establesé e responsabilidat dirèkt di e empresa LaMia i di e piloto”, Claros a afirmá.
Esei ta e prinsipal konklushon di e investigashon ku e ministerio a realisá enkuanto e responsabilidat di e piloto Miguel Quioga ku a muri den e aksidente di e aeroliña, un kompania chikitu di buelonan charter, ku a sali for di Santa Cruz, Bolivia i kai serka di e aeropuerto di Medellin, Colombia. Den e aparato tabata biaha mayoria di e ekipo brasileño di futbòl Chapecoense. Tabatin seis sobrebibiente.
Segun e investigashon, tambe a determiná un inkumplimentu di deber di e direktor di e Direkshon General di Aeronóutiko Sivil, Cesar Varela i di Roger Gandarillas, direktor general di e Atministrashon di Aeropuerto i Servisionan Ouksiliar na Nabegashon Aéreo, di manera ku ministerio di Obranan Públiko lo entregá un denunsia penal.
Entre e responsabilidatnan, Claros a menshoná ku Celia Castedo, funshonario di e Atministrashon di Aeropuerto, mester a prohibí e buelo pasobra e avion tabatin kombustibel nèt pa yega su destino. Castedo a bai pidi refugio na Brasil despues di a denunsiá preshon pa kambia su rapòrt tokante e plan di buelo.
E kompania LaMia, ku tabata ópera for di Bolivia, a haña su pèrmit na yanüari di 2015 i segun Claros el a kumpli ku tur e prosedimentunan legal pa e funshoná, inkluso ku presentashon di e pólisa di seguro.
Sinembargo a haña un supuesto tráfiko di influensha entre e gerente general di e aeroliña, Gustavo Vargas i su yu hòmber, kende tabata direktor di e registro aeronóutiko nashonal. Pa e motibu aki a entregá denunsia na Ministerio Públiko. Nan tur ta den prizon preventivo na Bolivia.
LaMia a haña su pèrmit di buelo ku un solo avion ku nan tabata hür for di un empresario venezolano pa 35.000 dòler pa luna.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.