Breaking News :
  • NO BREAKING NEWS
Gonzalo Higuain: “Ronaldo Nazario ta e mihó delantero den istoria”
2016-12-27 08:51:21 -
Deporte
0
331

E futbolista argentino di Juventus, Gonzalo Higuain a konsiderá ku e brasileño Ronaldo Nazario de Lima ta e mihó delantero den istoria di futbol i a mustra su atmirashon pa e uruguayo Luis Suarez, e polako Robert Lewandowski i su kompatriota Sergui Aguero.
Ademas Higuain a sigurá ku el a disidí na firma pa Juventus pa gana Champions League, den un entrevista realisá pa e eks hungadó franses David Trezeguet i publiká pa e kadena italiano Mediaset Premium.
“Pa mi, Ronaldo ta e mihó delantero di semper. Skohe e mihó delantero den aktividat ta mas kompliká. Suarez ta hungando masha bon i a mehorá hopi kompará ku e tempu ku e tabata den Liverpool. Lewandowski tambe ta masha bon, meskos ku Aguero”, e argentino a deklará.
“Generalmente mi gusta un hungadó ora ku e ta ponemi dibertí mas ku unu ku ta marka gol”, el a agregá.
Higuain ku ta kompartí vestuario den Juventus ku su kmpatriota Paulo Dybala, a destaká ku esaki ta un delantero masha paresido na e tambe argentino Lionel Messi.




foro cyborg
Cyborg den kombate

Cris Cyborg ta enfrentá posibel dopahe segun UFC a informá

UFC a informá ku e peleadó Cris Cyborg ta enfrentá un posibel violashon di e polítika antidopahe despues ku el a test positif pa un sustansha prohibí den e test mas resiente ku a hasi na dje fuera di kompetensha dia 5 di desèmber.
“Loke mi por bisa ta ku na e momentu aki nan ta papiando ku mi dokter i mi ta trankil. Tur hende sa ku mi ta malu, mi ta rekuperá di un bahada di peso ku mi mester a hasi pa e pelea. Esei a sosodé despues di e bahada di peso. Nan ta papiando ku mi dokter pa resolvé na e mihó manera”, e peleadó a deklará na MMA Fighting.
Di su banda Dana White, president di UFC a bisa: “E ta un poko straño. Promé ku tur kos mi a ofresé tur e peleanan den 145 liber. Ku e promé pelea e tabatin 8 siman pa prepará. Den e di dos pelea e tabatin 11 siman pa prepará i e di tres simplemente el a rechasé. Mi a pensa ku tabata straño ku el a rechasá tur e peleanan ei. Awor no ta straño. 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.