Breaking News :
  • NO BREAKING NEWS
Obama ta sigur ku e lo a gana elekshon si el a enfrentá Trump
2016-12-27 09:04:15 -
International
0
317

WASHINGTON.—President merikano Barak Obama a mustra konfiá ku e lo a logra sufisiente apoyo pa derotá e republikano Donald Trump, si e lo a presentá na e elekshonnan pasá, ku e magnate a gana.
Den un entrevista di despedida publiká pa e kadena CNN, e gobernante, kende dia 20 di yanuari lo entregá e presidensia na Trump, a sigurá ku su vishon di speransa i kambio, ku el a artikulá pa promé biaha den e Konvenshon Nashonal Demókrata na aña 2004, te ainda tin apoyo i e lo a logra apoyo un biaha mas di e mayoría.
Den e entrevista realisá pa David Axelrod, kende tabata su asesor i stratega di su dos kampañanan presidensial, e gobernante a bisa ku hopi hende den henter e pais, inkluyendo oponentenan ta sigui bisé ku e vishon ei i e direkshon di su mensahe ta esun korekto.
“Mi tin konfiansa den e vision ei pasobra mi ta sigur ku si lo mi a presentá atrobe na elekshon i artikulé, mi ta kere ku lo mi a mobilisá un mayoría di pueblo merikano pa apoyé”, Obama a bisa.
Den e elekshon di dia 8 di novèmber pasá, Trump a gana su rival demókrata, Hillary Clinton, danki na e sistema di votonan elektoral ku ta definí e elekshon di e president merikano, pero e eks promé dama a gana e magnate den votonan popular pa un diferensha di alrededor di tres mion voto.
Trump a gana den e elekshon ku un mensahe nashonalista i protekshonista i kontra imigrashon, e regulashon di gobierno i komersio liber.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.