Breaking News :
  • NO BREAKING NEWS
A deskubrí un graf komun ku 21 kadaver ost di Alepo
2016-12-27 09:05:22 -
International
0
367

ALEPO.—E agensia ofisial di notisia sirio, Sana, ku ta kulpa e rebeldenan di un matansa, a informa ku a haña un graf komun ku 21 kurpa na e parti ost di Alepo, ku tabata bou di kontrol rebelde durante kuater aña.
E sivilnan a ser ehekutá pa e gruponan terorista promé ku nan a bandoná e barionan ost di e siudat di Alepo”, segun Sana a informá.
Entre e mortonan tin sinku mucha i sinku muhé, asina e dokter forense di Alepo Zher Hajjo a deklará.
A haña e kurpanan den prizonnan ku tabata ser atministrá pa e gruponan terorista den e barionan di Sukkari i Al Kallassé i a ser ehekutá ku tirunan djaserka, segun el a presisá.
Varios dia promé ku e evakuashon di e barionan rebelde, Nashonnan Uní a afirmá ku el a risibí informashon ku a informá di a lo menos 82 sivil ehekutá, entre nan 11 muhé i 13 mucha, pa e milisianan progubernamental na Alepo.
Ayera ministerio ruso di Defensa a afirmá ku a deskurbí grafnan ku desenas di sirionan ehekuá sumariamente.
“Mayoría a ser ehekutá ku un bala den kabes i hopi kurpa no ta kompleto”, e portabos di e ministerio ruso di Defensa, general Igor Konachenkov a deklará.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.