Breaking News :
  • NO BREAKING NEWS
Messi ta bek den entrenamentu ku renobashon den porta
2017-01-03 07:39:11 -
Deporte
0
269

BARCELONA.—E argentino Leo Messi a regresá Barcelona pa pone punto final na su dos siman di vakashon di Pasku, ku el a pasa huntu ku su famia na Argentina, i a joint su kompañeronan ku ya a kuminsá e sekshonnan dia 30 di desèmber pasá.
Ademas di Messi tambe a entrená e uruguayo Luis Suarez i e brasileño Neymar Jr. kendenan huntu ku e argentino i Gerard Piqué a risibí pèrmit di Pasku despues di e viktoria di 4-1 di Barcelona kontra Spañó den e Liga.
Di otro banda, despues di a hunga e partido di buèlta kontra Hercules, Javier Mascherano tambe a risibí pèrmit pa entrená.
Asina Lionel Messi a haña algun dia mas di sosiegu, ounke ku su nòmber a keda presente den e sírkulo di Barcelona pa motibu di e ousensia di un posishon ofisial di parti di e hungadó, tokante si e lo firma su kontrakt ku Barcelona òf no i ku ta vense dia 30 di yüni 2018.
E silensio di famia Messi ta kontrastá ku e sintimentu den e klup relashoná ku su renobashon for di algun tempu kaba, kaminda ya tin un posishon sin duda i kompakto, ku Messi lo renobá.
Fin di siman ku a pasa, e página di Barcelona riba Internet a publiká e desafionan deportivo individual i kolektivo ku Messi tin, manera e echo di yega 500 gol, di a hunga 600 partido, haña su di sinku Shampiòn, logra 400 viktoria ku Barcelona òf marka un gol na Las Palmas, entre hopi otro logro, pero ni un solo palabra tokante su futuro komo hungadó.
For di dia 18 di desèmber, e hungadó a haña pèrmit pa bai ku vakashon i no a hunga e partido di buèlta di e grupo di 16 di final di Kopa di Rei kontra Hercules (7-0), meskos ku Gerard Piqué, Luis Suarez i Neymar Jr.
E partido di buèlta lo ta djarason 11, den Camp Nou. Entre e dos chokenan aki, Barcelona lo hunga djadumingu awor kontra Villareal.
 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.