Breaking News :
  • NO BREAKING NEWS
Turkia ta jag riba e responsabel di e atake di Aña Nobo na Istambul ku a laga 39 morto
2017-01-03 07:50:35 -
International
0
274

ISTAMBUL.—Polisnan a lansa un operashon pa atrapá e sospechoso ku a drenta armá den un popular klup nokturno i kuminsá dispará, den un akshon ku e gobernador di e siudat a kalifiká komo un atake terorista i ku ISIS a tuma repsonsabilidat.
E atake perpetrá ku arma di kandela kontra un nightclub di Istambul, un di prinsipal siudatnan di Turkia, apenas un ora despues ku Aña Nobo a kuminsá, a kousa a lo menos 39 morto i desenas di herido.
E minister di Interior Soleyman Soylu a indiká ku polisnan ta jag riba e ‘terorista’ ku a ataká e loalidat ‘Reina’, un lokal di moda di e siudat turko situá na e oriya europeo di Istambul, popular entre habitantenan i turista pa su restourant, su pista di baile i bista na Bósforo.
“Tin un persekushon andando kontra e terorista, polisnan a kuminsá e operashonnan i nos ta spera ku lo kapturá e atakante pronto”, Soylu a bisa periodistanan.
E atakante a mata un polis i un sivil promé na porta di e diskotek, promé ku el a drenta i dispará ku un arma di kandela kontra mas o menos 600 persona ku tabata selebrando yegada di aña ku a kaba di kuminsá, algu despues di 1or di mardugá.
Outoridatnan a identifiká 21 viktima te ku ayera, di kual 16 ta stranhero, mientras ku e otro sinku ta siudadanonan turko”, segun e minister a spesifiká.
Segun e agensia ofisial di e pais Anadolu a raportá, entre e viktimanan tin saudita, marokano, libanes i libio. Ademas tin 69 herido ku ta ser atendé den varios hospital di kual tin varios den estado krítiko.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.