Breaking News :
  • NO BREAKING NEWS
‘E esensia di un infrastruktura literario’
2017-01-04 08:17:43 -
Boneiru
0
331

Fundashon Akademia Papiamentu ta habri aña ku un charla interesante. Señor Quito Nicolaas ta un outor, poeta, kolumnista i ensayista.
E charla lo ta djaweps dia 12 di yanüari, 2017 di 7or pa 9or di anochi den sala di Plasa Fransisco Goeloe na Entrejol.
E título di e charla lo ta ‘E esensia di un infrastruktura literario’. Durante di e charla e orador lo amplia I splika kon por mantené e identidat i kultura Boneriano bibu usando literatura i papiamentu. Lo repasá brevemente e situashon ku Boneiru ta aden i kon por fortifiká e kultura.
E orador lo trata kiko tur lo mester hasi pa yega na un infrastruktura literario pa Boneiru, pasobra literatura ta e weso di lomba di un komunidat.
Despues di e charla tin posibilidat pa kumpra e último buki ku Quito a publiká ku tin e título: “Met Open Ogen”. E ta un buki ku ta habri nos wowo pa loke ta sosodé riba tereno kultural i brinda e posibilidat pa reflehá riba nos bida literario.
E buki ta un kolekshon di kolumnanan I ta bai tokante di kultura, literatura i polítika. E buki lo kosta $20.
Fundashon Akademia Papiamentu ta invitá pueblo general pa akudí na e charla aki. Entrada lo ta grátis.

TAGS :
Comments
Change  
Total 0 comments.
Other Boneiru News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.