Breaking News :
  • NO BREAKING NEWS
Kiper sobrebibiente di Chapecoense a ser operá atrobe na Brasil
2017-01-04 08:22:33 -
Deporte
0
311

BRASILIA.-- E kiper Jackson Follman, un di e seis sobrebibientenan di e aksidente di avion na Colombia, ku tabata transportá e klup brasileño di futbòl Chapecoense, a ser someté na otro operashon, e biaha aki na su ènkel robes, segun fuentenan médiko a informá.
Hospital Unimed di Chapecó, den e estado di Santa Catarina, a indiká ku e deportista a ser someté na un artrodesis pa kita doló i evitá un posibel amputashon di su pia drechi.
Sin indikashon ki dia e lo sali, e hospital a komuniká promé ku e operashon, ku e kiper a pasa e último 72 ora bon, sin okurensia klíniko i ta sigui risibí un antibioticotrapia den ader, sin kambio di su estado físiko.
Follman a sobrebibí e tragedia aéreo na Colombia ku a laga 71 morto dia 28 di novèmber pasá entre e 77 okupante di e avion di e empresa Lamia ku tabata transportá e ekipo Chapecoense pa Medellin, kaminda e lo a disputá e partido di ida di e final di Kopa Suramerikano kontra Atlético Nacional di Colombia.
Na Colombia, a kiper a pasa den vários operashon i a amputá parti di su pia drechi.
Dia 13 di desèmber, riba e mesun dia ku el a regresá for di Colombia, Follman a superá un operashon ku éksito pa koregí e fraktura na su di dos wesu di lomba na kual el a ser someté den e hospital Albert Einstein di Sao Paulo.

 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.