Breaking News :
  • NO BREAKING NEWS
Berlin ke reorganisá su servisionan di seguridat despues di atentado
2017-01-04 08:34:06 -
International
0
291

BERLIN.—E minister di Interior aleman, Thomas de Maiziere, a revelá e plannan grandi pa un kambio di e servisionan di seguridat ku nan fayonan aktual a ser eksponé ku e atentado di dia 19 di desèmber na Berlin.
Den un artíkulo publiká pa e korant Frankfurter Allgemeine Zeitung, e minister konservador ta insistí riba e nesesidat di reforsá e podernan di e Estado federal den materia di inteligensia interior i aselerá e mandamentu bek di migrantenan na kendenan a rechasá un petishon di asilo.
Ademas e ta proponé pa reforsá e kompetensha te ku awor limitá di polis federal i krea un sentro di krísis enkargá di kordiná e diferente servisionan konserní tokante temanan di migrashon i antiterorismo.
“E Estado federal no ta kompetente pa katástrofenan riba skala nashonal, manera e atentado di 19 di desèmber ku a laga 12 morto, e minister a skibi. “E kompetenshanan den materia di lucha kontra terorismo internashonal no ta konsentrá”, el a lamentá.
E atentado ku un trùk kontra un marshe di Pasku masha frekuentá na Berlin a mustra e fayonan di e sistema federal aleman.
E supuesto outor di e atentado, Anis Amri, ku a hura lealtat na e grupo yihadista Estado Islámiko, a pasa bou di e radarnan di vigilansha di kual e tabata opheto, probechando e dispershon di e responsabilidatnan, loke ademas a permití hui despues di e atake.
Despues ku a rechasá su petishon di asilo, mester a ekspulsá Anis Amri, tunesino di 24 aña, pero outoridatnan di su pais a tarda na manda e dokumentonan nesesario.
Konsekuentemente, Thomas de Maiziere a pidi kreashon di sentronan di retenshon serka di e aeropuertonan, kaminda lo manda e personanan ku mester ekspulsá te dia ku ehekutá esaki.

 

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.