Breaking News :
  • NO BREAKING NEWS
Luis Enrique: “E trio a bin bek mihó ku e manera ku nan a bai”
2017-01-05 07:24:13 -
Deporte
0
310

BARCELONA.—E entrenadó di Barcelona, Luis Enrique, a sigurá ku e argentino Lionel Messi, e uruguayo Luis Suarez i e brasileño Neymar da Silva a regresá di nan vakashon mihó di loke nan a bai.
E entrenadó lo konta ku e tres delantero pa awe enfrentá Athletic Club na San Mames, a pesar ku nan a gosa di algun dia mas di vakashon ku e restu di nan kompañeronan.
“Mi ta gratamente impreshoná ku nan nivel di forma, nan a bin bek mihó di loke nan a bai i mi ta kontentu ku nan por a disfrutá di nan famia”, e tékniko di e promé ekipo di Barcelona a splika.
Tokante e bishita na San Mames el a alertá riba e nivel di Athletic Club, ku el a definí komo un ekipo masha balente ku no tin miedu di riska.
“Mi no ta kere ku awe Athletic lo kambia su manera di defendé”, el a agregá.
Tambe el a elogiá e entrenadó di e ekipo, Ernesto Valverde, kende den e último simannan a relashon’é komo posibel relevo di Luis Enrique den kaso ku e tékniko di Barcelona no renobá na final di e aktual temporada.
“Kisas e ta e entrenadó ku mas biaha mi a enfrentá for di tempu ku mi ta tékniko. E ta un di e entrenadónan ku mas nivel di futbol spañó”, Luis Enrique a agregá.
Riba un pregunta enkuanto su futuro, Luis Enrique ta preferá di pensa solamente riba presente. “Si mi a siña algu den mundu di futbòl ta ku futuro no ta eksistí. Ta mihó pa konsentrá riba presente i disfrutá dia pa dia”.
Un di e desishonnan ku e tékniko mester a tuma na último ora ta ken lo relevá e kiper Jasper Cillesen, ku ta sufri di un leshon muskular, den e enkuentro di awe kontra Athletic Club.

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.