Breaking News :
  • NO BREAKING NEWS
Franses di 105 aña di edat a imponé rèkòrt mundial di ora riba baiskel
2017-01-05 07:25:07 -
Deporte
0
1124

PARIS.—E franses Robert Marchand a establesé e rèkòrt mundial riba baiskel den e kategoria di koredónan ku meskos kuné, tin 105 aña di edat òf mas, ora ku el a rekoré 22.547 kilometer.
E hazaña a tuma lugá den e velódromo nashonal di Saint-Quentin-en-Yvelines, sùitwèst di Paris i e mes den kual el kibra su propio rèkòrt di ora ku un total di 26.927 kilometer, tres aña pasá
E 22.547 di ayera el a kompletá den 92 buèlta na e sirkuito, pero prensa a rekordá ku ainda Marchand mester pasa un kontròl antidopahe pa e Union Siklista Internashonal aseptá su rèkòrt.
“Mi ta bon”, el a bisa ora ku el a baha for di e baiskel hariendo i emoshoná pa e kantidat di públiko ku a akudí pa kompañ’é.
Marchand, ku ta kalifiká su mes komo ‘e deportista mas bieu na mundu’ a nase dia 26 di novèmber 2011 na Amiens (nort di Fransia) i ta sigurá ku su úniko ‘líkido mágiko’ ta di pone un poko di honing na su bòter di awa.
Segun el a deklará na prensa e echo ku el a hasi deporte henter su bida, komo hopi fruta i berdura, no huma, bebe poko kòfi i ménos alkohòl ta un di e kustumbernan ku a permitié yega na su edat ku bon salú.
E diario ‘Le Parisien’ a relatá ku Marchand ta hasi gemnastik un ora tur dia, ta entrená 60 minüt riba su baiskel státiko i despues ta pasa su dia lesando pa su selebre keda aktivo.
Eks militante komunista, e eks pagadó di kandela i kampion di Fransia di gimnasia, biudo for di 1943, a yega di kai será den e di Dos Guera Mundial, pa motibu ku el a ninga na duna lès di deporte na yunan di e kolaboradornan ku Alemania nazi.
Segun ‘Le Parisien’ su trayektoria largu ta inkluí un ‘huida’ pa Venezuela, kaminda el a traha den plantashon di kaña, shofùr di trùk i kriadó di galiña i otro na Canada, despues ku den e promé pais a deskubrí un kaha ku pistol den su truk ku el a sigurá ku nan no tabata di dje.
 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.