Breaking News :
  • NO BREAKING NEWS
Mas ku 1000 profesor di derecho a pidi Senado merikano pa rechasá postulashon di Jeff Session komo fiskal general
2017-01-05 07:34:46 -
International
0
335

Dosentenan di 170 universidat a manda un karta pa e Legislativo nobo merikano den kual nan ta konsiderá ku Jeff Session a duna hopi muestra di rasismo i xenofobia ku ta desakredité pa e tarea di defendé derechinan di tur hende.
Tin vários motibu ku a pone ku un grupo di 1100 profesor di Derecho di 170 universidat di e pais pa bai kontra postulashon di e senador Jeff Session komo próksimo fiskal general. Pero esun ku nan ta señalá ku mas forsa ta e istoria di komentarionan despektivo pa e minorianan rasial.
Den un karta ku e manda pa e Senado resien instalá e akadémikonan ku ta ehersé desensia den e 48 estadonan ku fakultatnan di Derecho, a pidi pa rechasá e konfirmashon di e nominado di Donald Trump pa e kargo.
Segun esnan ku a firma e dokumento, na 1986 Sessions no por a bira hues federal pasobra e Senado di e tempu ei a rechaso pa su komentarionan rasista despues ku el a ser nominá pa e eks presidente Ronald Reagan.
“For di 1986 nada den e bida públiko di senador Sessions a konvensé nos ku e ta un hòmber diferente di e abogado di 39 aña ku a konsiderá demasiado invensibel rasialmente pa bira un hues di distrito federal,” segun e profesornan a apuntá den nan karta.
Igualmente nan a rekordá e oposishon di Sessions kontra e derechinan di e komunidat LGTBI i e progreso di e imigrantenan, meskos ku su istoria di persekushon di aktivistanan pro derechinan sivil na Alabama, su estado.
Pero e inminente destinashon di Sessions den e kargo importante no solamente tin e profesornan universitario inkieto. E organisashon Union Amerikano di Libertatnan Sivil (ACLU) tambe a manifestá su inkietut pa e hòmber ku a yama nan ‘komunista’ i ‘antimerikano’.
Session ta konosí pa su oposishon fuerte kontra kualke tipo di kambio migratorio i benefisio di legalisashon pa e miónes di ilegal ku ta biba den e pais.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.