Breaking News :
  • NO BREAKING NEWS
Muhénan aktivista no ta duna Trump tregua i a konvoká un marcha riba e siguiente dia ku e hura komo presidente.
2017-01-05 07:36:23 -
International
0
351

WASHINGTON.—E marcha lo bira 21 di yanüari, apénas un dia despues ku Donald Trump huramentá komo presidente merikano. I e tin e meta pa reuní sentenáres di persona bou di e lema: “E enkuentro pa hustisia”.
E marcha organisá pa un grupo di hende muhé, for di e promé minüt di e gobièrnu nobo, lo duna kara i reafirmá su kompromiso di no entregá derechinan ku a gana durante un lucha di vários dékada.
Mike Litterst, hefe di komunikashon di e National Mall & Memorial Parks, ta kalkulá ku e manifestashon lo por yega te na 200.000 hende.
E grupo ku a organisá e protesta inougural kontra gobièrnu di Trump kier a batisá e akto komo ‘E marcha di un mion di muhé’, pero despues a kambia pa e nòmber final, Segun Litterst.
E konvokatorio ta bisa ku e propósito ta di reuní den solidaridat pa ekspresá na e gobièrnu nobo i e kongreso ku derechinan di hende muhé pa derechinan humano i ku no por ignorá nan poder.
Teresa Shook, un abogado penshonado ku a proponé e mobilisashon no a spera e reakshon asina abrumador, a lo ménos den retnan sosial.
Tur kos a kuminsá ora ku el a krea un página riba Facebook pa konvoká e mobilisashon. Na e momentu ei apénas 40 muhé a kontestá positivamente. El a bai drumi i ora ku el a lanta su siguiente dia e kantidat a subi na 10.000
“Nos tin intenshon di duna un deklarashon oudas i kla na e pais aki na nivel nashonal i lokal ku nos lo no sera nos boka i lo no laga pa ningun hende kita e derechinan pa kual nos a lucha tantu”, Tamika Mallory, un aktivista veterano i defensor di kontròl di arma i tambe un di e prinsipal organisadónan di e marcha ku ta trata na inkluí otro minorianan, prinsipalmente e afromerikano, a deklará na The Washington Post.
Pero esun di hende muhé lo no ta e promé ni e último marcha di protesta na Washington serka di e fecha. E Fondo di Defensa di Edukashon 2017 a pidi pèrmit pa ‘marcha pa bida i konstruí un kultura di bida riba aniversario di Roe vs Wade.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.