Breaking News :
  • NO BREAKING NEWS
Selfie di e prinsipal sospechoso di e matansa, publiká pa polis di Turkía
2017-01-05 07:43:50 -
International
0
310

ISTAMBUL.—Outoridatnan di Turkia a identifiká outor di e matansa den e diskotèk Reina na Istambul dia 1 di yanüari pasá, ku a laga 39 morto, segun deklarashon di e minister turko di Relashonnan Eksterior.
“E persona ku a kometé e atentando terorista di Istambul a ser identifiká”, segun deklarashon di Mevlüt Cavusoglu na e agensia di prensa di gobièrnu Anadolu den un entrevista, sin presisa identidat di e atakante.
Outor di e matansa, ku e grupo yihadista Estado Islámiko a tuma responsabilidat te ainda ta prófugo.
Outoridatnan a publiká vários imágen di e sospechoso ku a mata 39 persona, den nan mayoria stranhero, ku tabata selebrá Aña Nobo den e klup eksklusivo Reina den e siudat turko.
Segun prensa di e pais, lo ta trata di un hòmber prosedente di un pais di Asia Sentral.
gobièrnu turko, ku a atmití ku e investigashon ta ‘difísil’ ya a informá na kuminsamentu di siman ku a haña datonan relashoná ku e fingerprint i aspekto di e asesino.
En total a detené 16 persona den kuadro di e investigashon, entre nan e esposa di e supuesto outor i dos stranhero detené na e aeropuerto internashonal Ataturk di Istambul, segun informashon di e agensia turko Dogan.
Polisnan a arestá 27 supuesto miembronan di ISIS den e provinsia di Izmir, west di Turkia, pa nan supuesto relashon ku e atake di dia 1 di yanüari.
Segun e diario Hürriyet, esnan arestá, entre nan vários mucha, ta pertenesé na tres famia di Asia Sentral ku aparentemente tabata biba ku e atakante den e siudat di Konya, den sentro di Turkia, i ku a hui for di nan kas despues di e atentado.
E unidat antiterorista a realisá un redada den kuater kas di Izmir, i segun e servisionan di seguridat, e operashon ta kontinuá.
16 otro persona a ser detené na Istambul i na Konya entre 1 i 3 di yanüari pa nan supuesto implikashon den e atake.
Segun e investigashon e lider di e grupo terorista ku a kometé e atake tabata na Konya, su alias ta “Yusuf Hoca” i a organisá e biahe di e atakante di Konya pa Instambul.
Supuestamente, ‘Yusuf Hoca’ lo a manda e atakante pa un kas den e bario Zeytinburnu den e siudat.
Despues di e atentado, e fugitivo a kambia di taxi dos biaha i a yega Zeytinburnu, kaminda el a rekohé sèn di un restorant sigur, un bentia di Asia Sentral.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.