Breaking News :
  • NO BREAKING NEWS
Alemania ta kontra di un Mundial ku 48 ekipo
2017-01-06 07:49:27 -
Deporte
0
1310

BERLIN.—E presidènt di e Federashon Aleman di Futbol (DFB), Reinhart Grindel, a konsiderá ku den futuro mester sigui disputá e Mundial ku 32 selekshon, kontra e proposishon di e presidènt di FIFA, Gianni Infantino pa te hasta 48 ekipo partisipá.

“Den ningun kaso mester forsa un desishon”, Grindel a manifestá den un entrevista den e página web di e Federashon den kual e ta konfia ku e Konseho di FIFA, ku ta reuní na kuminsamentu di otro siman, no adoptá ningun medida pa evitá un konflikto serio.
El a splika ku e proposishon di FIFA a yega na e diferente federashon algu promé ku Pasku i mester di tempu pa analisá i debatí riba nan.
Grindel a rekordá riba e promesa pa transparensha ku Infantino a hasi i a boga pa debatí e asuntu na un manera orientativo den e kongreso den luna di mei, komo ku e kuater proposishon riba mesa –dos ku 40 selekshon i dos otro ku 48—tin diferenshanan signifikativo.
For di e punto di bista di Alemania i di Europa, el a opiná ku e mihó opshon ta di mantené e aktual sistema di 32 selekshon i no kambia un modèl ku den pasado a resultá atraktivo tantu pa e fanátiko komo pa e spònsernan.
Aña pasá tambe e presidènt di e Konseho Direktivo di Bayern Munich i di e Asosashon Europeo di Klupnan, Karlheinz Rummenigge a rechasá e proposishon di Infantino.

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.