Breaking News :
  • NO BREAKING NEWS
Delantero Agüero ta konsiderá ku Messi mester gana The Best of FIFA
2017-01-06 07:55:01 -
Deporte
0
1439

ZURICH.—E delantero argentino Sergio Agüero a konsiderá ku su kompatriota Lionel Messi mester bira ganador di e premio The Best, ku djaluna awor FIFA lo otorgá.
Agüero, ku ta militá den Manchester City di e Liga di Inglatera ta kere ku e atakante di Barcelona meresé di ser kondekorá pa motibu di su kualidatnan riba tereno di wega, pasobra for di su punto di bista e ta riba e otronan.
“E ta riba tur, inkluso riba esnan nominá”, Agüero a splika durante un entrevista ku FIFA, refiriendo na e dos otro elementonan ku ta kompletá e trio, e portugues Cristiano Ronaldo i e franses Antoine Griezmann.
“Mi no ta bisa esei pasobra e ta mi amigu. Mi ta kompartí entrenamentu kuné mi ta mir’é bibu. E ta hasi kosnan ku mi no ta mira otronan hasi. E ta e mihó di tur, el a enfatisá..
Ámbos atakante ta kompartí vestuario den e selekshon argentino i huntu a bira kampion mundial den e kategoria sup 20, a kompartí un título olímpiko i disputá vários final ku e selekshon mayó.
Pa e motibu ei Agüero sa di e kalidat futbolístiko di Messi, di kende e ta atmirá su kapasidat pa aselerá e bala na su pianan i e fasilidat pa definí den kareda. “E ta hasié asina fásil, ta impreshonante. Messi ta e mihó na mundu”.
E hungadó ku lo risibí e premio The Best di FIFA lo ser elihí djaluna awor pa medio di votashon di e tékniko i kapitannan di e selekshonnan nashonal i tambe votashon di periodista i fanátikonan.

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.