Breaking News :
  • NO BREAKING NEWS
Revista Forbes a atmití Kylie Jenner komo un di e hóbennan ku mas influensha
2017-01-06 07:58:27 -
Hulanda
0
999

E ruman menor di e Kardashians, Kylie Jenner, a logra subi riba e lista di e 30 personalidatnan menor di 30 aña, ku e revista Forbes ta realisá tur aña pa destaká e emprededornan ku a yega top.
Ku su 19 aña, Kylie Jenner a bira esun mas hóben i e úniko teenager di forma parti di e lista famoso den e kategoria di benta por menor i negoshi elektróniko.
E selebridat a presentá un liَña di kosmétiko bou di su nòmber, ‘Kylie Cosmetics’, aportando e di dos fuente di entrada mas haltu anual na su famia, despues di su ruman muhé Kim Kardashian.
Jenner a kuminsá su imperio di makiahe na 2015 pero tabata te ku aña pasá ora ku su empresa realmente a haña fama.
Segun e revista a informá, e kit di lipstik di e strea lo por a haña un ganashi di te hasta shete sifra na 2016.
E éksito di su liña di lipstik no tabata e úniko motibu ku Jenner a subi riba e lista di Forbes, segun e propio revista ta sigurá. E hóben di 19 aña tambe ta un fuente di inspirashon den mundu di moda.
Na 2016 el a lansa un marka di paña huntu ku su ruman muhé mayó Kendall Jenner, kaminda ta bende tur kos, for di paña interior te na flanèl ku su nòmber i su kara.

TAGS :
Comments
Change  
Total 0 comments.
Other Hulanda News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.