Breaking News :
  • NO BREAKING NEWS
Gobièrnu kolombiano a keha serka Nashonnan Uní pa baile di verifikadónan ku muhénan di FARC
2017-01-06 08:16:19 -
International
0
994

BOGOTA.—Gobièrnu kolombiano ta preokupá pa e kondukta di e opservadornan di Nashonnan Uní ku a balia ku eks kombatientenan di FARC, durante selebrashon di Aña Nobo riba un video ampliamente publiká ku a lanta indignashon entre sektornan di oposishon, segun e embahador di Colombia den Nashonnan Uní, maria Emma Mejia.
“E tipo di komportashon aki no ta mustra e profeshonalismo i neutralidat ku na tur momentu mester karakterisá e ekipo ku ta miembro di e Mekanismo Tripartit di Monitor i Verifikashon di e Tregua i Hostilidatnan Bilateral i Definitivo i Entrega di Arma, den kumplimentu di e mandato di e Mishon Polítiko enkomendá pa e Konseho di Seguridat”, e diplomátiko a manifestá den un karta dirigí na e sekretario general athunto pa asuntunan polítiko di Nashonnan Uní, Jeffrey Feltman.
Den e karta, Colombia ta pidi pa adoptá e medidanan nesesario pa e tipo di situashonnan aki no ripití i ku por pone konfiansa i prestigio di Nashonnan Uní na peliger.
Den un kontesta rápido, Feltman a manifestá ku nan ta haña e tema serio, ku e komportashon ei ta ‘inapropiá’ i no ta reflehá balornan di profeshonalismo i imparsialidat di Nashonnan Uní, ku ta esensial pa implementashon efektivo di e tareanan di e Mishon i e apoyo na e istóriko proseso di pas kolombiano.
E Mishon a hasi un investigashon al respekto i skors e tres miembro di su ekipo ku a bai fiesta, balia i gosa ku e muhénan gueriero di FARC den nan fiesta di Aña Nobo.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.