Breaking News :
  • NO BREAKING NEWS
Mal maneho di Scooby Tours pa ku Turista!
2017-01-09 08:37:34 -
Breaking News
0
2603

NOTA: SUIDADANO I TURISTA TA PASA DEN MAL MANEHO KU SCOOBY TOURS


INBOX- Ta un kaso hopi lamentabel ku nos a pasa aden ayera 7 Yanüari 2017 kaminda nos un grupo di 4 hóben i 6 turista a pasa aden. Nos a bèl Scooby Tour dia 5 yanüari 2017 asina pa informá tokante nan preis nan i e tour ku e buggy nan ku nan tin. Na telefòn nan a duna di konosé ku e preis lokal ta kosta 200,- florin pa buggy i preis pa turista ta kosta 150,- dòler i ku e tour ta dura 3ora largu. Dia 6 Yanüari 2017 nos a bèl pa hasi un reservashon pa hasi un tour ku e buggy. Aki nan a konfirmá nos ku e preis ta 200,- florin i e tour ta dura 3 ora largu. Nos a reserva pa e orario di 12:30. For di 12or tabata tin un señora ku a bin i kobra nos, aki e señora a duna di konosé ku pa e ta straño ku e buggy ta kosta 200,- florin si no 264,50. Nos ku a haña esaki straño a bisa e señora ku na telefòn nan a bisa nos 200,- florin i NO 264,50. E señora a hasi mané ta straño ku e preis ta 200,- i e mester a bèl konfirmá ku ofisina. Ora ku esaki a regla ku e preis di 200,- florin ta klòp n

os a hasi nos pago kèsh e momentu ei i yena e formulario. E tour mester a sali 12:30. 1or, 1:30 i 2or pas e otro grupo a yega pa nos por a sinta den e buggy nan.
Na momentu ku nos a yega na bùrt pa sinta den e buggy a puntra e trahadó URVIN DE HASETH (Na an drechi riba e foto) 3 biaha ku si nos ta bai haña e ora èkstra, e mener aki a ignorá nos TUR TRES BIAHA. Komo ku nos a sali kas pa por tin un atardi plasentero nos no a laga esei stroba nos. despues ku nos ta warda sigur un 20 minüt den e buggy nan ku e mesun mener URVIN aki tabata kana bai bin papia palabra malu na grandi i ku asta turista nan a kuminsá reklamá el a bisa un di e otro trahadó nan "Ami no ta bai ku e hende nan aki sua" Pa 4or ya kaba nos a yega bek ku e tour aden ku NO ta klòp mes ku e 3ora nan ku nan a primintí nos. Na final di e tour tantu nos komo e grupo di turista a bai ofisina pa hasi un reklamo ku nos a kore ménos pa di loke nos a paga. Asina ku nos a bai ofisina, habri i porta i yama bon tardi e mener GIOVANNI (Na man robes riba e foto ) aki a trata nos ku un mal airu bisa nos "Bai bai pafó warda un ratu i sera e porta", AHINDA nos a keda kalmu i a ward’e pafó di e ofisina. E mener aki ku e momentu ei nos no tabata sa ku tabata e manager a laga un trahadó di dje sali pafó i hasi manera ta "supervisor" e trahadó ta i bisa nos ku e doño no tei.


Pa nos ku esaki opviamente tabata hopi straño, tòch nos a skohe na splika e supuestamente supervisor nos keho ku nos tabata tin. Nos a splik’e ku nos ta komprondé ku nos no por haña full e sèn bek paso naturalmente nos a hasi e tour pero ku graag nos lo ke un parti di e sèn bek paso no a kumpli ku e orario ku a primintí. I ku nos lo no bai kas te ora ku bin un solushon hustu i haña un parti di nos sèn bek. Asta e mener ku a hasi e tour ku nos a bisa e manager GIOVANNI aki ku bèrdat nos tour a sali lat. Despues di 2ora ku nos a keda pafó warda i ku nan a tuma nos hasi i al final a resultá ku e mener GIOVANNI aki ta e mes te manager, nos a disidí di bèl polis mirando ku e situashon tabata basta tenso entre nos i e turista nan i ku e kompania scooby tour aki. Ora ku polis a yega nan a duna nos di konosé ta di lamentá ku nos mester a eksperensia aki pero ku NO ta promé biaha Scooby Tour i e mener GIOVANNI DE HASETH aki ta tuma turista nan hasi i ku ta semper nan tin problema kuné tokante di e Tour bus nan, Taxi i asta e Buggy nan. I ku e mener aki tin hopi mal manera i ku asta tin biaha e no sa duna sèn bek. Tambe nos a komprondé ku ta tur biaha e mener aki ta gaña pa e keda bon mira. E polis nan mes a konsehá nos pa hasi un keho kontra SCOOBY TOUR i tambe mener GIOVANNI DE HASETH pa asina nan por atendé kuné. Turista nan a asta duna di konosé ku pertenensia nan ta wòrdu hòrta dor di nan trahadó nan mes.


Al final nos a haña un deel hopi chikí di nos sèn bek i ku djaluna nos lo hasi un keho kontra tantu SCOOBY TOUR i e mener aki. Ta di lamentá ku na Kòrsou mester grita, zundra i hasi mahos pa asina por keda kla. Al final pa 18:30 nos a keda kla i por a bandoná e sitio ku supervishon di e polis nan. Ta laf ku nos a pasa door di esaki pero nos ke alerta TUR hende pa por fabor wak e kompania aki bon. E customer service tabata HOPI malu mes, a papia hopi malu ku nos i asta a uza palabra malu.

TAGS :
Comments
Change  
Total 0 comments.
Other Breaking News News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.