Breaking News :
  • NO BREAKING NEWS
Mama di Ñoño a aserka Ultimo Noticia ku su preokupashon
2017-01-16 08:40:13 -
Breaking News
0
2305

Willemstad – Awe den oranan di mainta nos a risibí bishita di un señora ku inisial L.S. kual a identifiká su mes komo e Mama di Ñoño (C.S). Segun e Mama, Fiskal a pidi pa Ñoño bin Kòrsou e siman aki pa asina e por asistí na e interogashon relashoná ku un kaso di tiramentu ku a tuma lugá riba F.D. Rooseveltweg dia 5 di Yüli 2016. E Mama bastante preokupá no ta komprondé ta kiko Fiskal kier hasi ku su yu, paso no ta su yu a tira riba e sospechoso C.A. kual aktualmente ta detené despues di un entrada hudisial kual outoridatnan a bin konfiská un pistol ku 9 bala skèrpi. Ultimo Noticia a komprondé di e Mama ku ta Ñoño ta esun ku a haña herida di bala na pia debí ku C.A. a tira riba dje i despues ku esaki a sosodé, ningun denunsia no a ser hasí pa ámbos persona. “Dikon ta awor aki e sospechoso kier a hasi denunsia? Mi no ta komprondé ta kon e persona ku a tira ta benta tur falta riba mi yu” asina e Mama a ekspresá su mes na Ultimo Noticia.

Palabranan di L.S. (Mama di Ñoño):
“Mi yu no ta un santu, pero dikon Fiskal ta hasiendo e kos aki ku mi yu sabiendo ku su bida ta na peliger? Tur e kosnan aki djis pa un supuestamente interogashon kual por ser hasí na Hulanda mes. Ministerio Públiko no tin kunes si nan mata òf lag’e mata mi yu, esaki no tin balor pa nan. Pero dikon sospechosonan di e asesinato di defuntu Wiels si a logra di risibí nan protekshon? Si ta un interogashon mester hasi mi yu i e proseso ta ku mi yu mester ta na Kòrsou, e orei Fiskal ta responsabel si sanger di mi yu ser deramá, paso nan a bisa mi bon kla ku nan ta wardando mi yu aki na Kòrsou pa asina kita esaki for di man”


Nos di Ultimo Noticia ta komprondé e dolor di Mama, e kos aki ta sumamente ferfelu pa un Mama ku a dediká tur su Bida i Energia na su yu pa al final e yu mes skohe e kaminda inkorekto. Den mundu aki nos tur meresé mas ku 2 oportunidat paso al final Hende ta keda Hende i nos mester krea FE den Humanidad. No ta konosí pa nos di Ultimo Noticia si Ñoño lo risibí protekshon miéntras e ta na Korsou.


Dia 8 di Yüli 2016 un dòbel asesinato a keda registrá na Kura Pieda kual esakinan tabata 2 bon amigu di Ñoño. Boka di pueblo ta unu ku sa hopi, tin bastante testigu silensioso den e kaso aki kual a splika bon kla ku NO ta Alf i Boss(defuntunan) e asesinonan tabata tin mester. Na yegada di unidat na e sitio, investigashonnan a ser hasí i a bin komprondé ku e asesinonan mes a grita “No ta e gordo aki nos tin mester”. Djaluna 11 di Yüli 2016 nos a publiká un Frontpage ku e titular “Ñoño tin ku wak su kaya!”, esaki ta debí ku Ultimo Noticia tabata na altura ku tin matonnan ta buskando Ñoño pa asina likidá esaki. Por lo tantu no ta un sekreto pa pueblo i ménos Ministerio Públiko ku Ñoño su bida ta na peliger.


L.S. a splika Ultimo Noticia ku e mes sa hopi kos debí na Prensa i hendenan ku e mes ta rondoná dor di dje. “Tin sierto kosnan ku Prensa no ta na altura di esaki, p’esei mi no a bai kualke Prensa. Mi a risibí un mensahe ku nan ta wardando mi yu aki Na Kòrsou pa asina likid’é, sea ta den prizòn, warda di polis òf riba kaya mes”, asina L.S a bisa nos di Ultimo. Pa Ñoño su mes protekshon e la kue rumbo pa Hulanda, na yegada Outoridatnan a para esaki i despues a lag’é bai debí e situashon di su persona na Kòrsou. E Mama ta konsiente ku su yu no ta un “Santu” pero esaki ta konsiente tambe ku su yu no ta un Mal Hende. L.S. a splika nos ku su no gusta problema i ku esaki bin e ta regla esaki mesora, p’esei tin sierto kosnan ta kai malu pa sierto hendenan.
Mas detaye den bo Ultimo Noticia mañan!

TAGS :
Comments
Change  
Total 0 comments.
Other Breaking News News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.