Breaking News :
  • NO BREAKING NEWS
Insel Air a pèrdè mi maleta i no sa sigur na unda e ta!
2017-02-24 08:54:48 -
Breaking News
0
1464

Willemstad – Ayera den oranan di mainta un periodista di Venezuela a presentá na Ultimo Noticia pa asina por splika di un situashon ku el a hañ’é den dje kual tin e mener sumamente preokupá. Aparentemente e Medio di Komunikashon kual e ta laborá a kumpra un pasashi ku Insel Air pa e periodista ku destino “Porto Au Prince”(Haiti), i aki e periodista mester a traha riba diferente puntonan pa asina akumulá informashon den un konferensia di prensa pa su trabou periodístiko. E periodista mester a bula dia 6 di Febrüari i asina yega e mesun dia na Porto Au Prince, e buelo pa Porto Au Prince ta unu ku tin “tussenstop” na Kòrsou i asina drenta otro avion pa bai Porto Au Prince.

Lamentablemente e buelo pa Porto Au Prince a ser kanselá na Kòrsou i esaki a yega dia 7 di Febrüari kual e evento ku e mester a presentá a pasa kaba. Na momentu ku e periodista a bai buska su maleta, esaki no a sali nunka na Porto Au Prince. E periodista a bai reklamá esaki i al final esaki a yena un formulario formal di Insel Air pa asina entregá e keho ku su maleta a pèrdè. Tristu ta ku na Porto Au Prince no tabata tin un persona adekuá pa yuda e periodista, ya ku e periodista ta papia spañó i na Porto Au Prince ta papia creole. Na momentu ku mester a yuda e periodista, un persona a kibra su spañó tiki tiki i asina yuda e mener ku e formulario.

Na Porto Au Prince a surgi un konfushon dor ku no por a saka afó ta na unda e maleta ta, e por tabata na Sto. Domingo, Venezuela, Jamaica òf Kòrsou mes. Aki e periodista bastante preokupá dor ku el la pèrdè informashonnan sumamente balioso kual tin den su maleta, a disidí di kumpra un ticket for di Porto Au Prince pa asina bai Sto. Domingo kual tin hende ku ta papia spañó ku por yuda e periodista mas mihó ku na Porto Au Prince. Na momentu ku e periodista a yega Sto. Domingo, aki a bolbe entregá e periodista un formulario formal pa asina entregá su keho kual el la pèrdè su maleta. Despues di hopi preokupashon i diskushon, un representante di e aerolínea na Sto. Domingo a duna e periodista un number kual ta e persona konserní ku por yuda e periodista ku su maleta.

Despues di esaki e periodista a bolbe kumpra un pasashi pero e biaha aki serka un otro aerolínea pa asina e por bin Kòrsou i atendé e asuntu di su maleta. Segun e periodista den e maleta tin informashonnan periodístiko super balioso kual por afektá su persona òf otro persona si e kai den man di hende robes. Na momentu ku e periodista a yega Kòrsou, Insel Air a regla un Hotèl pa esaki por keda miéntras e asuntu ta ser solushoná. E periodista no a gusta e trato ku el la haña serka e hotèl, esaki a ekspresá su mes bisando ku el la sinti su mes komo un hende ku no ta bal nada. Aparentemente personalnan di e hotèl a trata di “saka” e mener for di Hotèl ya ku a kumpli e orarionan ku e Hotèl a palabrá ku Insel Air. Mirando kon tur kos ta bayendo bruá i no por haña un kontesta satisfaktorio, e periodista a disidí di buska yudansa pa asina por buta mas atenshon riba e situashon kual tin e hopi preokupá.

Ultimo Noticia a tuma kontakto ku e persona konserní kual ta enkargá di e situashonnan manera di e periodista. Aki a surgi un interkambio di opinion i tambe echonan di Insel Air. E persona na su turno a duna di konosé ku e kompania ta pasando den momentunan difísil pero ku e lus ta na kaminda. E persona a splika ku el la trata di yuda e periodista na tur manera posibel i hasta a hasi eksepshonnan ku e mener aki. Segun e persona ayera tabata e dia kual e tabata atendé tur asuntu na Hato i aki e periodista mester a bai Hato pa asina papia kara kara ku e persona. No ta konosí kon a sigui ku e periodista pero segun e persona komparando ku otro aerolínea, Insel Air no ta hañ’e den pèrdèmentu di maleta fásil. Ta 99% di maleta ta ser haña eksitosamente dor di nan doño na momentu ku nan yega nan destino.
 

TAGS :
Comments
Change  
Total 0 comments.
Other Breaking News News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.