Breaking News :
  • NO BREAKING NEWS
TRUMP A SUGERÍ PA STOP KU KONFERENSHANAN DI PRENSA
2017-05-13 08:03:08 -
International
0
196

WASHINGTON.-- President merikano Donald Trump, a proponé pa stop ku ruedanan di prensa i manda kontesta por eskrito ‘na benefisio di rigurosidat’, despues di e kontradikshonnan tokante retiro di e direktor di FBI. Trump a bolbe subi su kuenta di Twitter mainta tempran pa ataká prensa, ku ta kritiká e konfushon ku e mes a krea riba motibunan di e retiro sorpresivo di e direktor di FBI, James Comey. “Kisas lo ta mihó pa kanselá tur futuro kon-ferenshanan di prensa i distribuí kontestanan por eskrito na benefisio di rigurosidat?”, Trump a puntra. E mandatario a sigurá ku e ta un president masha aktivo ku hopi kos pasando, di manera ku no ta posibel pa su boseronan subi podio (di ruedanan di prensa) i papia ku total rigurosidat. Trump a oumentá mas e konfushon riba e motibu i prosedimentu ku e retiro di Comey a desenkadená, ora ku el a sigurá den un entrevista na televishon ku e lo a destituí di tur manera, a pesar ku net despues di e retiro, djamars pasá i dianan promé, su portabosnan a sigurá ku tur e asuntu a desenkadená pa e rekomendashonnan di e fiskal general athunto, Rod Rosenstein. Kas Blanku a insistí ku e retiro tabata debí na rekomendashon di Rosenstein relashoná ku e manera ku Comey a manehá e investigashon tokante maneho di e-mail nan di Hillary Clinton. Segun funshonarionan di gobierno Rosenstein a menasá di renunsiá despues ku Kas Blanku a bisa ku e tabata esun ku a impulsá retiro di Comey, i a pidi Kas Blanku pa rektifiká, mientras ku Trump a rechasá e vershon ofisial di mal maneho di e kaso Clinton. E kaos di komunikashon ta kompletá ku e mensa- he ofisial di Kas Blanku ku Comey no tabata konta ku apoyo di su supaternonan, algo ku e direktor di FBI den funshon, Andrew McCabe a ninga.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.