Breaking News :
  • NO BREAKING NEWS
LEGISLADORNAN REPUBLIKANO MERIKANO A PIDI PA ENTREGÁ 82.000 MUCHA KU NO TA PAPIA INGLES, NA IMIGRASHON
2017-05-13 08:33:50 -
International
0
225

 

Un grupo di legisladornan republikano di Oklahoma a proponé pa entregá mas ku 80.000 alumno di skolnan públiko ku no ta papia ingles, na outoridatnan federal di imigrashon. Mike Ritze, un legislador republikano a deklará ku mester entregá e muchanan ei na outoridatnan pa determiná si nan ta siudadano i a duda di e obligashon di e Estado pa duna nan edukashon, maske ku Konstitushon ta ordená esei. E estado lo spar 60 mion dòler si por identifiká alrededor di 82.000 studiante ku no sa ingles i entregá nan na outoridatnan, segun Ritze. A base di su deklarashon, emití den un notisiero, no a sali na kla si Ritze tabata referí na entregá e nomber of e studiantenan mes. Na 1982 Korte Supremo merikano a determiná ku e estadonan no por ninga edukashon públiko gratis na e alumnonan den nan status migratorio. Mike Ritze a bira notorio den su estado ora ku el a lanta un laga pone un blok di granit di 2000 liber ku e Dies Mandamentu, riba tereno di e Kapitolio estatal na 2012. E monument tabata yen yen di erornan di ortografía i Ritze a paga 10.000 dòler pa e piesa, ku despues mester a retirá. Pero no tur e 22 republikano di e kámara di Oklahoma ta di akuerdo ku e proposishon radikal di Ritze. Chuck Strohm i e líder di e kámara di representante, Jon Echols, a rechasá e idea “Mi no tin ningun gana pa señalá studiantenan ku no ta papia ingles”, el a bisa. I Ryan Kiesel di e ACLU di Oklahoma a ekspresá ku “e ta un mal idea i de-sagradabelmente repugnante i inhumano”. 

 
 
TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.