Breaking News :
  • NO BREAKING NEWS
OPOSISHON VENEZOLANO A PIDI PA BLÒKIA KAYANAN PRINSIPAL DI KADA SIUDAT AWE
2017-05-15 06:09:59 -
International
0
176

CARACAS.-- Oposishon venezolano a pidi su partidiarionan den henter e pais pa awe partisipá den un paro nashonal riba e kamindanan prinsipal di e pais komo parti di e agènda di protesta kontra gobièrnu di Nicolas Maduro. “Djaluna nos ta bai paralisá e pais ku un paro, of ku sentenáres di paro, teniendo na kuenta ku e paro su meta ta pa okupá kaminda públiko pasifikamentu i keda den resistensha henter dia”, segun deklarashon di e promé visepresidente di e Asamblea Nashonal, Freddy Guevara/ E yamamentu tin komo meta pa demostrá forsa i na mes momentu blòkia e kamindanan prinsipal di kada estado, segun Guevara a splika i kende a pidi pa atendé e yamamentu ku masha klaridat i disiplina no violento. E opositornan venezolano a kumpli 43 dia di protesta djasabra pasá ku un agènda di aktividatnan den henter e pais pa protestá kontra e gobièrnu chavista i entre otro kosnan, pidi elekshon. Djasabra a organisá mobilisashon pa uni manifestante di varios estado di Venezuela. For di Caracas a sali un karavanadenouto,konvoi i motorcycle te na e estado Vargas bisiña, ku a desaroyá sin problema. Den e kapital un grupo di persona ku a kana pa manifestá den e kamindanan prinsipal a ser plamá pa agentenan di seguridat. Otro grupo di opositor a sali for di Valencia pa join kompañeronan di Aragua, den un konsentrashon riba Campo Carabobo, pero forsanan di seguridat a blòkia akseso na e monument i a plama e manifestantenan ku gasnan lakrimógeno na varios punto di e outopista.
E protestanan a kuminsá despues ku e Tribunal Supremo, akusá di ta sirbi chavismo, a atribuí e funshonnan di e Asamblea Nashonal, kontrolá pa oposishon i konsiderá pa nan komo e úniko institushon demokrátiko di e pais. E oumento di tenshon i preshon riba kaya a oumentá aun mas ora ku Maduro a anunsiá ku a kuminsá e proseso konstituyente pa redaktá un Konstitushon nobo komo e “úniko” manera pa logra pas pero ku su opositornan ta mira komo un golpi di Estado i un manera pa e keda pa semper na poder. Algun di e manifestashonnan a bira violento, ku un saldo di 39 morto i sentenáres di herido i detenido.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.