Breaking News :
  • NO BREAKING NEWS
NORT KOREA TA DISPUESTO NA NEGOSHÁ KU MERKA PERO KU KONDISHON
2017-05-15 06:20:30 -
International
0
184

BEIJING.-- Un diplomátiko herárkika norkoreano a deklará ku Pyongyang lo ta dispuesto na negoshá ku gobièrnu di president Donald Trump ‘ si e kondishonnan ta korekto’. Choi Sunhee, e diplomátiko norkoreano enkargá di e relashonnan ku Merka, a papia ku prensa promé di subi avion na Beijing pa Pyongyang. El a bini for di Noruega kaminda el a enkabesá un delagashon ku a reuni ku eks funshonario i akadémikonan merikano. Choi no a bisa kua ta e kondishonnan norkoreano, pero su deklarashonnan ta habri e posibilidat ku e dos paisnan por regresá na mesa pa promé biaha for di 2008, tempu ku e kombersashonnan entre seis pais relashoná ku e programa nuklear di Pyongyang a frakasá. Trump a habri porta pa e negosashon algun siman pasá ora ku e la bisa ku e lo sinti su mes ‘honrá’ di reuni ku e líder norkoreano Kim Jong Un. E tenshonnan a empeorá resientemente ora ku gobièrnu di Trump a deklará ku ‘tur opshon ta riba mesa, pa stop e programa nuklear norkoreano, inkluso un atake militar. Nort Korea, na su turno, a primintí di reakshoná ku un kontraatake nuklear devastador, ripitiendo un menasa ku el a formulá varios biaha den pasado. Ultimamente Nort Korea a arestá dos akadémiko merikano i revelá un supuesto plan, apoyá pa CIA, pa asesiná Kim. Choi no a referí na e merikanonan detené. Na Noruega, Choi a reuni ku eks funshonario i akadémikonan merikano den e asina yamá ‘kombersashon di dos via’. Esakinan ta abarká un seri di asuntunan bilateral nuklear i di seguridat, i ta tuma lugá regularmente, presentando un oportunidat informal pa e partinan interkambiá di opinion i inkietut.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.