Breaking News :
  • NO BREAKING NEWS
Nicki Minaj su fundashon nobo lo yuda studiante nan paga pa nan estudio
2017-05-15 07:18:14 -
International
0
200

Nicki Minaj a anunsiá Djabièrnè atardi ku e ta bai kuminsá ku su propio fundashon ku lo yuda estudiante nan ku nan debe nan di skol. Minaj su challenge di #RegretinyourTears a tuma un direkshon diferente na momentu ku Nicki a kuminsá respondé na su fanátiko nan via di Twitter i a ofresé nan sèn pa yuda nan paga nan debe di skol si nan por prueba ku nan ta haña ‘10’ so riba nan rapòrt. Un par di studiante a risibí sèn dor di e artista i esaki a inspirá diferente alumno pa tambe kuminsá drecha nan punto nan na skol pa nan tambe por ta aden. Minaj a kompartí un screenshot riba Instagram pa mustratur e pago nan ku a wòrdu hasi pa yuda e alumno nan aki. Minaj a skibi “E kos aki ta hasimi hopi kontentu! Otro luna lo mi bolbe yuda mas hoben paga nan debe nan di skol i tambe lo mi bai kuminsá ku mi fundashon nobo ku lo bai yuda kada un di bosnan ku boso debe nan di skol. Lo mi laga bosnan tur na altura ku e proyekto nobo aki. Diferente studiante a keda hopi agradesido na e artista. Nan a agredié i a bisé ku ta danki na dje nan por siguí ku nan estudio. Tabata tin gastu nan di skol di mas ku 5 mil dòler ku Nicki Minaj a yuda paga. Esaki sigur ta un soño ku a bira realidat pa hopi studiante. Awen dia bo ta studia na universidat, pero ora bo haña trabou, ta nèt p’abo paga bo skol bek. Dios sigur lo bendishoná Nicki Minaj pa e tremendo trabou ku e ta bezig kune i nos ta spera ku mas artista por tuma ehèmpel di esaki.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.