Breaking News :
  • NO BREAKING NEWS
SITEK:....IDENTIDATNAN  DI SALÚ MESTER HASI INVESTIGASHON KUANTU DAÑO...
2017-05-15 08:12:42 -
Polisial
0
1105

Loke funshonarionan di MEO ta detektá den tokonan, restorant, tienda i supermarket ta alarmante, esaki segun presidente di SITEK sr. Darius “Lio” Plantijn. Asta nos por papia di un atendado kontra di nos pueblo, kontra nos salú. Kon por ta posibel ku nos ta paga pa haña kuminda, bebida, produktonan manera pampers, anto nan fecha a vense i/o nan ta dañá. Ta nifiká ku nos komo yu di Kòrsou ta paga pa nos haña produkto venená. Una bes un produkto a bira bieu, e ta hasi nos kurpa malu, ta venenu el a bira. Kon nos mester bai atendé ku tur e negoshinan aki ku ta hasiendo tantu propaganda di karni ku piska fresku etc? Segun sr. Plantijn, SITEK ta di opinion ku e asuntu mester bai mas leu; nos identidatnan di salú mester hasi investigashon kuantu daño e asuntu aki a hasi riba nos salú durante añanan. Pio ainda: ki efekto kuminda daña por tin riba komportashon, konsentrashon, prestashon I resultado di nos muchanan na skol. Ta probá ku un mucha ku ta kome salú ta siña bon na skol; awor kiko ta pasa si un mucha ta kome karni, koi pone den pan daña I bebe djus ku fecha ku a vense. Ki efekto produkto daña tin riba motivashon I prestashon di trahadó; spesialmente riba e trahado den enseñansa ku ya kaba tin enorme preshon di trabou riba dje. Pa nos no papia mes ki efekto kuminda daña tin riba nos penshonadonan I nos grandinan. Direktiva di SITEK ta sostené e trabounan di MEO pa hasi e kontrolnan nesesario i ta spera ku niun mandatario no ta para e trabou balioso aki na bienestar di salú di nos pueblo, sr. “Lio” Plantijn a tèrminá.

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.