Breaking News :
  • NO BREAKING NEWS
A KONFISKÁ BARKU KU 5 TONELADA DI KOKAINA RUMBO PA SPAÑA
2017-05-16 06:53:15 -
International
0
207

 

MADRID.-- Outoridatnan spañó a yuda interseptá un barku di karga ku a sali for di Ecuador ku mas ku 5,5 tonelada di kokaina rumbo pa Spaña. Ministerio di Interior spañó a informá ku agentenan ecuatoriano a abordá e barku ora ku e tabata na 3 mia nóutiko for di kostanan di Santa Elena, na Ecuador. Segun e komunikado, a karga e barku ku kokaina colombiano den Pasífiko i tabatin plan di biaha via Kanal di Panama i krusa Atlántiko pa Oropa. Polis ecuatoriano a haña 176 bulto di kokaina skondé den e barku i a arestá e 20 homber a bordo. Un di nan ta un spañó ku supuestamente ta pertenesé na un organisashon deliktivo na Galicia. A arestá kuater otro hende na Spaña.
Den un redada separá ku a anunsiá ayera, a informá ku polis spañó a detené un barku di karga ku tabata transportá 2,5 tonelada di kokaina, komo parti di un operashon kon hunto ku e agensia merikano antidroga (DEA), e Agensia Nashonal kontra Delinkuensha di Gran Bretaña i polis di Portugal. E operashon polisial a kuminsá despues ku den luna di yanuari Spaña a haña sa ku un organisashon suramerikano ku konekshon den e pais oropeo tabata organisando un envio importante di droga. E informashon el a ser konfirmá ku informashon di inteligensia rekohé pa Merka, Gran Bretaña i Portugal. E konfiskashon grandi di kokaina i mariwana no ta raro den e Península Ibériko, ku ta ser mirá komo porta di entrada pa Oropa. Den añanan 2015 i 2016 polis spañó a konfiská kasi 8 tonelada di kokaina riba kuater barku i arestá 80 persona, di akuerdo ku outoridatnan.

 

 
TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.