Breaking News :
  • NO BREAKING NEWS
DI KUATER EDISHON CURAÇAO COLOR WALK DIA 4 DI YÜNI DI EY I JCI DUTCH CARIBBEAN “YENA BO BIDA I DI OTRONAN KU KOLÓ”
2017-05-16 07:47:36 -
Deporte
0
178

WILLEMSTAD — Despues di e eksito rotundo di añanan anterior i bou di e slogan “Yena bo bida i di otronan ku koló”, EY Dutch Caribbean i JCI Dutch Caribbean lo organisá riba dia 4 di yüni e di kuater edishon di Curaçao Color Walk. E ‘fun walk’ aki lo kuminsá i kaba na Sambil i lo kubri 7 kilometer dor di kayanan di Otrobanda. E aspekto úniko di e festin di koló spòrtif aki ta ku partisipantenan lo ser kubrí ku puiru di diferente koló na diferente punto durante e ruta. En espeshal na final e evenemento lo kulminá den un fiesta di kolo ku e ‘Big Color Splash’.
E kaminata di koló aki no ta nobo pa Kòrsou. EY pa medio di su fundashon EY Cares Foundation ta duna kontenido na EY su programa di responsabilidat sosial “Building a better working world”, i ta traha pa duna un aporte positivo i duradero na desaroyo di nos komunidat. Den e kuadro ei EY tambe ta traha huntu ku Curaçao Cares. JCI Dutch Caribbean ta forma parti di Junior Chamber International (JCI), un organisashon mundial i konosé mas ku 200 miembro entre 18 i 40 aña repartí riba e islanan di Kòrsou, Aruba, Boneiru i St. Maarten ku ta traha pa krea impakto positivo den nan mes komunidat. Basá riba e vishon mutuo i e dedikashon pa ehersé e responsabilidat sosial ku EY Dutch Caribbean i JCI Dutch Caribbean ta kompartí, e dos organisashonnan aki ta kontinua nan koperashon pa organisá e di kuater edishon di ‘fun walk’ di koló na Kòrsou.

Personanan di tur edat por partisipá; mucha (for di 4 aña), hende yòn i hende grandi, famia i grupo di amigu i kolega tur ta bon biní. Benta di T-shirt lo tuma lugá di e siguiente manera tanten ku tin:

Dia Lugá Ora

Djasabra 27 mei Sambil 12.00 – 21.00

Djasabra 27 mei Kooyman Zeelandia 9.00 – 18.00

Djadumingo 28 mei Sambil 13.00 – 19.00

Djadumingo 28 mei Kooyman Zeelandia 9.00 – 13.00

E gastu pa partisipá ta 20 florin pa tur hende (mucha for di 4 aña i hende grandi). Tur partisipante lo haña un T-shirt p’asina e kolónan resaltá. Durante e kaminata lo parti awa i na final fruta, i lo por sigui fiesta ku ambiente musikal na enkargo di DJ Lu-C i MC Hype. Pa mas informashon i detayenan esklusivo bishitá e Facebook di Curaçao Color Walk òf mail curacaocolorwalk@gmail.com E kaminata ta kuminsa i kaba ku un warm-up i cool down di Jamila Lemans i Hayrich Juliana. Lokual ta hasi e kaminata aki diferente for di kaminatanan tradishonal ta ku lo tin diferente stashon riba e ruta kaminda lo spùit e partisipantenan ku un puiru di koló ora nan pasa. Kada stashon di koló a ser realisá ku sosten di algun sponsor prinsipal, esta Maduro & Curiel’s Bank N.V., Kenfood Trading Co., Fun Miles, Kooyman, Curoil, Vitamalt i Aqualectra.
E puiru di koló ku ta wòrdu usá durante di e kaminata no ta dañino pa salú ni pa medio ambiente, e ta seif i por laba kita fasil.



Henter Kòrsou ta invitá un biaha mas pa bin kana, kore, baila i gosa ku otro riba e ruta pa selebrá un estilo di bida salú i pa alabes duna un otro su bida tambe koló. Kada persona ku partisipá tambe ta kontribui direktamente pa hasi bida di esnan ku mester di sosten den nos komunidat mas kolorido. E meta di Curaçao Color Walk ta pa rekoudá
fondo pa otorgá na JCI Dutch Caribbean, EY Cares Foundation i e siguiente organisashonnan: Fundashon Bos di Hubentud i Fundashon Mayor di Kriansa .

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.