Breaking News :
  • NO BREAKING NEWS
HOSPITAL NA CUCUTA TA ATENDÉ SENTENÁRES DI VENEZOLANONAN
2017-05-17 06:00:00 -
International
1
243

BOGOTA.-- E krisis di Venezuela ta yega tur dia na e sala di emergensha di hospital Erasmo Meoz ku ta keda na frontera ku Colombia, kaminda lei ta eksihí pa duna atenshon gratis na tur persona ku drenta, sin importá su nashonalidat. Erasmo Meoz ta e hospital mas grandi di Cucuta, un siudat colombiano di alrededor 500.000 habitante. Pero e 70 kama di e sekshon di urgensha no ta sufisiente pa atendé e kantidat kresiente di pashent ku ta yega na e hospital públiko ei. Ta asina ku apart di atendé e habitantenan di Cucuta, e hospital tambe ta atendé sentenares di venezolano ku ta yega einan buskando atenshon médio i e tratamentunan ku ta skars den nan pais. Venezolanonan ta yega na e hospital pa tur klase si tratamentu, for di un fraktura te na herida di bala i kuchu, un konsekuensha di e nivelnan haltu di kriminalidat na Venezuela. Tambe ta yega pashentnan ku kanser, VIH i otronan buskando tratamentu pa síntomanan di malaria, otro enfermedat ku a lanta kabes den algun region di Venezuela. “Akinan nos tur ta ruman i ta yuda otro”, e dokter di emergensha a deklará. Pero el a agregá ku si e krisis ekonómiko na Venezuela empeorá i e pashentnan sigui krusa frontera pa buska tratamentu na Colombia, su sala di urgensha por yega na un punto ku e ta ‘koleps’. Segun Soraya Caceres, e gerente enkargá ku e hospital, e sala di emergensha a atendé 867 pashent venezolano den e promé tres luna di e aña aki. Den e mesun periodo di 2016, a yega tres biaha menos, esta 284 venezolano. E atenshon gratis na e pashentnan a hinka e hospital den problemanan finansiero, pasobra no tin seguro ni entidatnan estatal ku ta kubri e gastunan pa duna servisio na e venezolanonan. Ministerio di Salú di Colombia resientemente a primintí 3000 mion peso pa trata pashentnan venezolano den hospitalnan fronteriso, pero e plaka ei ainda no a yega. Den kualke kaso, Caceres ta bisa ku e montante no ta sufisiente. Hospital Meoz ya ta akumulá un debe di 4000 mion peso (1,3 mion dòler) pa e tratamentu ku ta duna na venezolanonan for di fin di 2015.“ Nos ta gastando rekursonan físiko i humano ku mester ta disponibel pa restu di e siudadanía”, e atministradora a splika. Hasta e enfermedat di mas simpel a bira un tragedia na Venezuela..


TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.