Breaking News :
  • NO BREAKING NEWS
PERSONA SERIAMENTE HERIDÁ DEN ACCIDENTE NA CATIRI
2017-05-17 08:19:21 -
Aruba
0
661

Diamars marduga autoridad ta keda informa cu lo tin un auto cu a ranca un palo di lus y bolter riba e caminda di Catiri net den e bocht skerpi. Di biaha e prome patruya ta yega na e sitio y ta topa di berdad cu un auto cu a bolter y e chauffeur lo mester ta herida y pega den e auto. E patruya ta solicita tanto ambulance y brandweer hunto cu materiaalwagen cu urgencia mirando e impacto y e situacion cu e chauffeur tawata aden e momento ey. Polis a kibra e glas pa asina habri e porta y drenta paden di e auto pa cuminsa yuda e chauffeur. Mas unidad di polis a yega na e sitio pa sera e caminda pa asina brandweer por hasi nan trabow. Personal di brandweer a corta e auto pa libera e homber y asina personal di ambulans atende cune. Specialista di trafico tambe a wordo yama pa tuma datos. Departamento forensico tambe a presenta pa tuma evidencia. Personal di Elmar tawata na e sitio pa mira e situacion. Prome indicacion ta cu e auto un Toyota Camry preto biniendo cu velocidad halto di nort prome cu e birada skerpi caba lo mester a perde control bai halto pa sigi dal den e palo di lus y bolter. Daño material ta hopi grandi ta cu door di e impacto un palo di lus a keda completamente destrui y otro dos mas a haya daño ora e wayanan a wordo ranca. Un area basta grandi a keda sin coriente entreotro Catiri, Moko un parti, Paraguana un parti. Personal di Elmar a indica cu coriente lo wordo estableci bek den careda di merdia pa atardi.

TAGS :
Comments
Change  
Total 0 comments.
Other Aruba News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.