Breaking News :
  • NO BREAKING NEWS
DESKONTINUASHON PAGO KU KARCHI DI BANKO VIA DI C2
2017-05-18 08:08:20 -
Polisial
0
373

Willemstad-Na aña 2006 Curoil a introdusí na diferente pòmp di gasolin na Kòrsou i Boneiru, un sistema (Curoil comfort: C2) outomátiko di fuel kombustibel kual ta duna un servisio na klientenan pa por tènk 24 ora pa dia, sin intervenshon di kahera. Pues, C2, Curoil Comfort, ta e servisio pa kumpra kombustibel pa medio di un karchi, sea karchi di Curoil (C2 Card) òf karchi bankario (debit card). Despues di evaluashon i análisis profundo, Curoil a opta pa deskontinuá ku e parti di pago ku karchi di banko via di C2 entrante djaluna, 22 di mei próksimo. Motibu pa stòp ku esaki (pago ku ‘bank debit/credit card’ i a e sistema di C2) ta ku, Curoil no ta generá sufisiente pa mantené e servisio i e kostonan mará na e servisio aki ta demasiado kompará ku un uso mínimo dor di klientenan. Apesar ku ta deskontinuá e sistema di C2 pa karchi di banko, e kliente por swipe su karchi di banko serka e kahera naur momentu ku e pòmp di gasolin ta habrí. Curoil ta keda mantené e sistema di C2 pa loke ta trata karchi di Curoil (C2 card) ku ta destiná na kompanianan ku ta hasi uso di esaki. Pues, e kambio aki no ta afektá usuarionan di e C2 card. Curoil ta diskulpá pa kualkier inkombeniensia ku esaki ta kousa i ta hasi un súplika na tur kliente pa tene kuenta ku e kambio aki. 

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.