Breaking News :
  • NO BREAKING NEWS
SEIS MORTO DEN UN ATAKE DI PISTOLERO DEN PUEBLITO DI BRASIL
2017-05-18 08:22:30 -
International
0
228

Seis hende a muri i otro a keda heridá den un atake di pistolero na Vila Pará, un pueblito den interior di e estado brasileño di Rio Grande do Norte, segun polis a informá. E víktimanan, asesiná ku tiru den kabes, tabata partisipá den un fiesta den e pueblo chikitu di e munisipio Serra do Mel, ora ku a lo menos kuater homber deskonosí armá a drenta i dispará kontra tur hende. Di e ocho persona ku tabata na e kas, seis a muri, entre nan un muhé. Un teenager a keda gravemente heridá i a bisa ku el a skapa komo ku el a gaña morto. Otro persona, apa- rentemente esun ku e pistoleronan tabata buska, a logra hui. Kuater di e kurpanan a ser hañá pafó di e kas i e dos otro den dje.
Entre e víktimanan tin un pareha di 19 aña ku algun luna promé a yega for di Sao Paulo i establesé den e region. Tambe a asesiná tio di e pareha ku lo tabata doño di e kas i un primu ku tambe a kaba di yega na e region. Segun e investigadónan, e opheto di e atake tabata un habitante di e region sospechá di varios robo i atrako i ku tabata den e kas, kaminda e krimen a sosodé, pero ku a sali poko promé ku e pistoleronan a yega. Rio Grande do Norte, un di e estadonan ku mas tantu homisidio pa habitante na Brasil, a registrá alrededor di 900 asesinato e aña aki.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.