Breaking News :
  • NO BREAKING NEWS
FISKALÍA A PIDI PROTEKSHON PA PERIODISTANAN DEN PROTESTA NA VENEZUELA
2017-05-19 10:24:16 -
International
0
220

CARACAS.--Fiskalía venezolano a pidi medidanan spesial pa protehé e reporteronan ku ta kubri e protestanan kontra e president Nicolas Maduro, despues di denunsia di agreshon di parti di militar, polis i manifestantenan. Tabata e Ministerio Públiko ku riba su kuenta di Twitter a pidi medida di protekshon durante kobertura di e manifestashonnan. Awor e tribunalnan di hustisia mester aprobá e medidanan i garantisá nan aplikashon di parti di e organismonan di seguridat, segun e Fiskalía a splika ku asina a aseptá un petishon di e Sindikato Nashonal di Trahadónan di Prensa (SNTP). E gremio aki a dokumentá 128 atake kontra ekipo di e medionan di komunikashon durante e protestanan, ku a generá den disturbio ku un saldo di 43 morto i sentenares di herido i detenido for di 1 di aprèl. Segun SNTP, kasi 30 di e agreshonnan ei a ser kometé pa manifestantenan, mientras ku a detené 22 periodista. E  sifra di atake e aña aki a yega na mas ku 200, e ta presisá. Na opinion di e sekretar- io general di SNTP, Mar- co Ruiz, e agreshonnan ta un vulnerashon di derechi di informashon. “Ounke den gran may- oría di e kasonan, e agreshonnan ta di parti di e kuerponan di seguridat, nos no por keda sin denunsiá echonan kometé pa siudadanonan, ku ta mira e periodistanan i demas trahadónan di prensa komo partidiekonflikto”,Ruiz a bisa den un resiente reunion ku dirigentenan oposirot. Algun manifestante ku ta kontra gobierno, ta akusá medionan di prensa di ta silensiá nan mobilisashon kontra Maduro, un situashon ku SNTP ta denunsiá komo produkto di un gobierno di sensura i outosensu- ra, imponé pa e gobierno sosialista. Durante un manifestashon, un grupo di hendenan enkapuchá a basha gasolin riba reporteronan di e kanal di televishon privá Globovision i menasá di kima nan.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.