Breaking News :
  • NO BREAKING NEWS
Refineria Isla tabatin kandela den un di su plantanan
2017-05-21 10:53:21 -
Breaking News
0
3083
Willemstad – Djadumingu 21 di mei pa 05:47 mainta, operadornan di e plant di Crude Distiller 3 (CD-3) a bati alarma di kandela pa un pòmp na un di e kolumnanan di destilashon.  CD-3 ta un di e prome plantanan den e kandena di refinashon di Refineria Isla ku ta produsí entre otro gasolin. Na luna di aprel e planta di CD-3 a kaba di sali for di un mantenshon planifiká grandi.  Investigashon preliminar a konkluí ku probablemente e kandela a kuminsa na un pòmp na un di e kolumnanan den e planta. A instalá un tim di investigashon ku lo bai profundisá den kousa di e insidente i tambe determiná e ekstenshon di e daño ku e instalashon a sufri. 

Loke Refineria Isla por raporta konkretamente na e momento aki ta: 

1.        A bati alarma pa 05:47 mainta. E kandela a keda kompletamente pagá pa 09:20. 
2.        No tabatin ningun persona leshoná. 
3.        Refineria a notifika tur instanshanan di Gobiernu konserní. 
4.        Refineria Isla tambe a reuní mesora ku Gobiernu su tim di kalamidat i a informá nan riba e insidente. 
5.        Loke a kima ta gasolin i otro zeta ku ta sobra na final di e proseso di destilashon. E emishon no a enserá daño pa habitantenan den bisendario. 
6.        Refineria Isla tin seguro ku ta kubri daño kousa pa kandela na su instalashonnan. 
7.        Tin sufisiente, gas, gasolin, kerosin i diesel pa abastese merkado lokal. 

Refineria Isla ta gradisí su kuerpo di bombero, kuerpo di bombero di Kòrsou i tur su trahadonan ku a yuda den pagamentu di e kandela rapidamente. Na momemtu ku tin informashon adishonal Refineria Isla lo sigui informá komunidat. 

 
TAGS :
Comments
Change  
Total 0 comments.
Other Breaking News News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.