Breaking News :
  • NO BREAKING NEWS
Detenshon di sospechoso pa assesinato
2017-05-22 06:17:11 -
Polisial
0
465

Djadumingu 21 mei 2017, alrededor di 07.10’ or, polis a detené e hòmber R.G.W. nasé na Kòrsou, 36 aña di edat komo sospechoso di un asesinato ku a tuma lugá dia 10 yüni 2013 riba un lugá di stashoná outo na Bapor Kibra. E detenshon aki a tuma lugá na aeropuerto Hato na momento ku e sospechoso kier a bandoná Kòrsou. E asesinato aki a tuma lugá 10 yüni 2013, alrededor di 00.01’or, na un lugá di stashoná outo na Bapor Kibra. Riba e dia en kestion e patruya polisial a yega na e sitio i a bin topa ku e víktima drumí abou na suela i no tabata duna señal di bida.
For di un investigashon preliminar ku polis a realisá na e sitio e tempu ei, a resultá ku e víktima tabata na un sentro di dibertishon na Bapor Kibra i probablemente a hañ’é den problema ku algun hòmber den e sentro di dibertishon. Dado momento e víktima a kore sali for di e sentro siguí pa algun hòmber. Direpente e hòmbernan sospechoso a kuminsá los bala dirigí riba e víktima. E víktima Elverson Flaviano Roberto, nasé na Kòrsou, 20 sèptèmber 1988, a risibí heridanan di bala na e parti ariba di su kurpa. Un otro hòmber víktima di 31 aña di edat ku tambe a kore sali for di e sentro di dibertishon, a risibí herida di bala na altura di su hep. 

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.