Breaking News :
  • NO BREAKING NEWS
A TIRA GREGORY ILLIDGE MATA NA ST.JORIS
2017-05-22 07:32:20 -
Polisial
0
5404

Djadumingu 21 mei 2017, alrededor di 10.16 or, Sentral di Polis a haña informashon ku na un kas na StJoris tin un kaso di tiramentu. Un patruya di polis a bai ku urgensia na e sitio i a haña un hòmber drumí abou den balkon ku algun herida di bala na e parti ariba di su kurpa. E víktima no tabata duna señal di bida. For di un investigashon preliminar ku polis a realisá na e sitio a resultá ku un hòmber a yega na e kas i a puntra pa e víktima. Ora ku e víktima a bini pafó nan a papia un ratu i despues tabatin un diskushon i finalmente a tende algun tiru. E Motibu di e tiroteo te na e momentunan aki ta deskonosí i ta den investigashon. Dòkter di polis a presentá na e sitio i alrededor di 12.28’or a konstatá morto di e víktima Gregory Bertrand Illidge nasé na Aruba dia 8 yanüari 1963. Polis a haña i konfiská algun ‘huls’ na e sitio. Riba òrdu di fiskal di Ministerio Públiko a konfiská e kurpa sin bida di e víktima pa mas investigashon. Polis ta supliká tur persona ku por tin informashon tokante di e kaso aki, pa tuma kontakto ku polis na 917 òf e liña anónimo 108.

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.