Breaking News :
  • NO BREAKING NEWS
19 MORTO Y 50 HERIDO DEN UN ATENTADO TERORISTA NA MANCHESTE
2017-05-23 22:59:12 -
International
0
330

Ayera nochi mitar di diesdos ora di Inglatera a surgi un eksploshon na e sala di konsierto di Manchester ku a laga un saldo di 19 morto i 50 persona heridá. Polis a kalifiká e insidente komo un atentado terorista. Nèt e konsierto di e kantante merikano Ariana Grande a kaba di terminá ku e eksploshon a tuma lugá. Testigunan okular a hasi menshon di sonidonan fuerte i riba Twitter a aparesé imáhen di esnan ku a bai e konsierto i a bandoná e sala den pániko. Hopi hóben a bishita e konsierto. E kousa di e eksploshon te ainda no ta konosí i e eksploshon a tuma lugá mitar di diesdos di anochi na e entrada di Manchester Arena. Polis a anunsiá ku nan lo trata e situashon komo un atentado terorista. Servisionan di emergensia tabata masalmente presente na e sala di konsierto. Polis a pidi públiko pa evitá di presentá na e sitio di e insidente. Unidat pa kombatí terorismo tambe ta na e sitio. E kantante mes a bisa ku e ta okay. E Arena tin un kapasidat pa 23 mil persona.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.